ԼԻԲԱՆԱՆԵԱՆ ԿԱՐՃ ԼՈՒՐԵՐ

0
98

–         Խորհրդարանի նախագահ  Նեպիհ Պըրրի դիտել տուաւ, թէ  կը բաժնէ  Լիբանանի  արաբականութեան եւ Դիմադրութեան վերաբերեալ  Միշէլ Աունի կեցուածքները, սակայն  տարակարծիք կը մնայ մանրամասնութիւններուն շուրջ: Միւս կողմէ,  քաղաքական  կարգ մը  շրջանակներ կը փորձեն վերականգնել Միշէլ Աունի եւ Սըլէյման  Ֆրանճիյէի յարաբերութիւններուն  մէջ  տիրող ցրտութիւնը:

–         Փարիզ պաշտօնապէս զգուշացուցած է  հարաւի մէջ տեղակայուած ՖԻՒՆԻԼ-ի խաղաղապահ ուժերու ղեկավարութիւնը, թէ ահաբեկչական կազմակերպութիւն մը կը  ծրագրէ  յարձակումներ կատարել խաղաղապահ  միաւորներուն վրայ:

–         Ելեկտրականութեան  ընկերութեան սարակները  երկրի տարբեր  շրջաններուն մէջ գործող հաստատութիւններուն առջեւ նստացոյց կազմակերպեցին երէկ, արգիլելով  պաշտօնեաներու եւ  քաղաքացիներու մուտքը   ընկերութեան գրասենեակները: Սարակները  կառավարութենէն  կը պահանջեն մնայուն  պաշտօնեայի կարգավիճակ:

–          Հարաւային  Լիբանանի հետաքննիչ ատեանի դատախազ Սամիհ   Հաժ  յայտնեց, թէ  սուրիացի  քաղաքական մեկնաբան Մուհամմէտ Տառար Ճամոյի սպանութիւնը   չունէր քաղաքական բնոյթ: Հաժ յայտնեց, թէ հետաքննութիւնները կը  շարունակուին եւ  պաշտօնական յայտարարութեամբ մը    հանրութիւնը  իրազեկ պիտի դառնայ   ոճիրին մանրամասնութիւններուն:

–         Հարաւային  Լիբանանի հետաքննիչ ատեանի  առաջին դատախազ   Մունիֆ  Պարաքաթ  ձերբակալման  հրամանագիր արձակեց  Ալի Խալիլ Եունէսի, Պատիյ  Մուհամմէտ Եունէսի  եւ Սուհէմ Մուհամմէտ Եունէսի դէմ՝  սուրիացի  քաղաքական մեկնաբան Մուհամմէտ Տառար  Ճամոյի սպանութեան հարցով: Ալի Եունէս, ապահովական ուժերու   ներկայութեան, պատահարին վայրին մէջ,  նկարագրեց ոճիրին մանրամասնութիւնները:

LEAVE A REPLY

Please enter your comment!
Please enter your name here