ՄԱՅԷՍԹՐՕ ՍԵՊՈՒՀ ԱԲԳԱՐԵԱՆ ՀԻՒԱՆԴԱՆՈՑ ՓՈԽԱԴՐՈՒԱԾ

0
107

 Միացեալ Նահանգներու մէջ լոյս տեսնող «Նոր Օր»ը  կը տեղեկացնէ, թէ Մելգոնեանցի Սեւան Պէրպէրեաններու բնակարանը հրաւիրուած էր Սեպուհ Աբգարեանը: Երբ ան չի ժամաներ եւ հեռաձայններուն չի պատասխաներ, տնեցիներն ու հիւրերը կ՛երթան անոր բնակարանը, ոստիկանութեան օգնութեամբ կը բանան դուռը ու Սեպուհ Աբգարեանը կը գտնեն տան լուացարանին մէջ՝ գիտակցութիւնը կորսնցուցած վիճակի մէջ:
Բժիշկ Վահագն Ադամեան կը յանձնարարէ խմբավարը ենթարկել գլխու ճառագայթային նկարահանման, որուն հետեւանքով ի յայտ կու գայ ուղեղային ուռեցքի մը գոյութիւնը:
Գերմանացի մասնագէտ վիրաբոյժ մը ուղեղէն դուրս բերած է ուղեղին մէջ հաւաքուած հեղուկը: Բժիշկներու գնահատանքով՝ գործողութիւնը կը նկատուի յաջող: Անոնք կը նախատեսեն, որ ապաքինումը տեւէ վեց ամիս, որուն ընթացքին մայէսթրօն կրնայ ունենալ յիշողութեան ժամանակաւոր կորուստ, հարազատներու ճանչնալու դժուարութիւն եւ խօսելու անկարողութիւն:
«ԳՈՀԱՐ» համոյթի հովանաւոր Խաչատուրեան եղբայրները յանձն առած են ամէն ինչ ընել՝ տրամադրելով լաւագոյն միջոցները խմբավարին ապաքինումը ապահովելու համար:

Աշխարհասփիւռ  Մելգոնեանցիներու  անունով  շուտափոյթ եւ ամբողջական  ապաքինում կը մաղթենք  հայ մշակոյթի երախտաւոր,  մայէսթրօ Սեպուհ Աբգարեանին:

LEAVE A REPLY

Please enter your comment!
Please enter your name here