ԼԻԲԱՆԱՆԵԱՆ ԿԱՐՃ ԼՈՒՐԵՐ

0
106

–         Հարաւային Լիբանանի  մէջ  տեղակայուած ՖԻՒՆԻԼ-ի խաղաղապահ ուժերու խօսնակ Անտրէ  Թենենթէ  յայտնեց, թէ պատճառ մը  չի տեսներ, որպէսզի ոեւէ  խմբաւորում խանգարէ  խաղաղապահ ուժերու առաքելութիւնը:  Թենենթէ նշեց, թէ խաղաղապահ  ուժերը կը  վայելեն  ՄԱԿ-ի հովանաւորութիւնը, մինչ Եւրոպական Միութիւնն է Հըզպալլայի   զինուորական թեւը ահաբեկչական կազմակերպութիւններու ցանկին մէջ  ներառնողը:

 –         Իսրայէլ – 2  հեռատեսիլի  կայանը  անակնկալ  նկատեց  հանրապետութեան նախագահ Միշէլ Սըլէյմանի կողմէ  Հըզպալլայի հասցէին կատարուած անուղղակի քննադատութիւնները, զայն մեկնաբանելով  մթնոլորտի  փոփոխութեան հետեւանք:

–         «Ալ Մեսիրա» շաբաթաթերթի այսօրուան համարով լոյս ընծայուած  հարցազրոյցին մէջ, մարոնիներու  Պշարա Ռայի գարտինալը դիտել կու տայ, թէ  սիւննի-շիի հակամարտութիւնը Լիբանանէն երկարած է ,  մէկ  կողմէ հասնելով  Սէուտական Արաբիա, միւս կողմէ՝ Իրան:

–         Լիբանանի մօր Միացեալ Նահանգներու  դեսպանի պաշտօնին յաւակնորդ Տէյվիտ Հիլ, նշանակումի նախօրէին, ամերիկեան Ծերակոյտի արտաքին յարաբերութիւններու յանձնախումբին ուղղած  հարցումներուն  պատասխանելու ընթացքին,  դիտել տուաւ որ Հըզպալլայի  հարցը  քաղաքական լուծումի կը կարօտի եւ ոչ՝ զինուորական: Հիլ պահանջեց զօրացնել   լիբանանեան բանակին կարողականութիւնը, որպէսզի  Լիբանան  պարարտ  հող չդառնայ, ահաբեկչական կազմակերպութիւններու ձեռքին  տակ:

 –         Լիբանանեան բանակի գաղտնի սպասարկութիւնը  ձերբակալեց  տասնապետ Ապտօ  Ճասէրի եւ  այլ  բանակայիններու  սպանութեամբ ամբաստանուած, էսթոնացի   զբօսաշրջիկները առեւանգող աւազակախումբի անդամներէն  Իպրահիմ Խանճարը:

          Ընկերվար Յառաջդիմական Կուսակցութեան պետ  Ուալիտ Ճոմպլաթ, Քլեմանսոյի  իր ապարանքին մէջ ընդունեց Լիբանանի մօտ Թուրքիոյ դեսպան Սըլէյման Անան  Էոզլտիզը եւ  քննարկեց  շրջանային զարգացումները:

          Ահմէտ Ասիրի համակիրները դարձեալ  խմբուեցան  Պիլալ Պըն Ռապահ մզկիթի շրջաբակին մէջ  եւ պահանջեցին ազատ արձակել Սայտայի  դէպքերուն հետեւանքով ձերբակալեալները:

          Մըղնէ  գիւղին մէջ առեւանգուեցան Ալ Միքտատ  ընտանիքի հինգ անդամներ: Ապահովական  մարմիններ  կը փորձեն   վերջ դնել փոխադարձ առեւանգումներուն եւ   զանոնք փոխանակելու համաձայնութիւն  գոյացնել հակադիր կողմերուն միջեւ:  

          Լէյլաքիի մէջ, Ալ Զըէյթըրեւ Ալ Հաճուլա  ընտանիքներուն միջեւ  ծագած միջադէպի մը հետեւանքով, զինեալներ տարածուեցան   Լէյլաքիի մէջ: Ապահովական    միաւորներ անմիջապէս  հասան   միջադէպին վայրը եւ հակակշիռի տակ վերցուցին  իրավիճակը:

LEAVE A REPLY

Please enter your comment!
Please enter your name here