ԽԱՂԱՂՈՒԹԻՒՆ ՀԱՍՏԱՏԵԼՈՒ ՀՆԱՐԱՒՈՐՈՒԹԻՒՆՆԵՐԸ ԱՒԵԼՑԱԾ ԵՆ ՄԻՋԻՆ ԱՐԵՒԵԼՔԻ ՄԷՋ

0
117

Իսրայէլի նախագահ Շիմոն  Փերէզ  յայտարարեց, թէ  Իսրայէլի եւ Պաղեստինի միջեւ  խաղաղութեան համաձայնագիր կնքելու  կարելիութիւնները աւելցած են:  Փերէզ նաեւ դիտել տուաւ, որ կողմերը չունին այլընտրանք: Իսրայէլի նախագահը ըսաւ, թէ հարիւր առ հարիւր վստահ է, որ Մահմուտ Ապպաս  շահագրգռուած է խաղաղ կարգաւորումի հասցնելու  Միջին Արեւելքի  հակամարտութիւնը: Նշենք, թէ   երեք տարուան խզումէ ետք,  իսրայէլապաղեստինեան  բանակցութիւնները անցնող  Երկուշաբթի  վերսկսան Ուաշինկթընի մէջ: Հանդիպումներու յաջորդ հանգրուանը   նախատեսուած է  Կիրակի, 11 Օգոստոսին:

 Փերէզ երէկ  նշեց իր ծննդեան  90-ամեակը: Ան կը նկատուի  մեր  մոլորակի ամենատարեց նախագահը:

Նախագահ Պարաք Օպամա   հեռաձայնային  հաղորդակցութիւններ ունեցաւ Պենիամին Նեթանիահուի եւ Մահմուտ Ապպասի հետ: Միւս կողմէ,  Թոքիօ այցելած  Միացեալ Նահանգներու պետական  քարտուղար Ճոն Քերրի՝ Ճափոնի իր պաշտօնակիցին Ֆոմիօ  Քիշիտայի  հետ կնքած մամլոյ ասուլիսին ընթացքին,  Թոքիոյի եւ Ուաշինկթընի անունով  զօրակցութիւնը յայտնեց   Միջին  Արեւելքի խաղաղութեան բանակցութիւններուն:

LEAVE A REPLY

Please enter your comment!
Please enter your name here