ՀԱՅԱՍՏԱՆԻ ՄԷՋ ՊԻՏԻ ԲԱՑՈՒԻ ՏՊԱԳՐՈՒԹԵԱՆ ԹԱՆԳԱՐԱՆ

0
106

Հայաստանի մէջ շուտով պիտի բացուի Տպագրութեան թանգարան, ուր պիտի ներկայացուին  հայկական տպագրութեան վերաբերող փաստաթուղթերն ու գործերը: Հայաստանի ազգային գրադարան արդէն մշակած է ծրագիրը: Ազգային գրադարանի տնօրէն Տիգրան Զարգարեանը լրագրողներուն հետ ունեցած հանդիպումին ընթացքին նշած է, որ վերջերս վերաբացուած է գրադարանի Թամանեանական շէնքը եւ ներկայիս գրադարանին յատուկ անվտանգութեան միջոցներով կ՛օժտուի նորաբաց շէնքը:
«Ազգային գրադարանում մեծ թափով մեկնարկել է ձեռագրերի թուայնացման գործընթացը: Սկսել ենք թուայնացնել տարբեր տիպի հնատիպ ձեռագրեր, նաեւ թերթեր: Մէկ միլիոն էջ արդէն թուայնացուած է: Մարդիկ նոյնիսկ պատուիրում են, թէ ինչ նիւթեր թուայնացնենք», յայտնած է գրադարանի տնօրէնը:
Տիգրան Զարգարեան ափսոսանք յայտնած է այն մասին, որ գործընթացը այնքան ալ արագ չ՛ընթանար, քանի որ անոր համար անհրաժեշտ են նկարահանող մասնագիտական սարքեր, որոնցմէ իւրաքանչիւրը կ՛արժէ 70 հազար եուրօ:
«Աշխատում ենք ակադեմիայի գրադարանի հետ համատեղ, որովհետեւ այնտեղ կայ երկու նմանատիպ սարք, իսկ մենք մէկն ունենք, որ վերջերս «Հայաստան» հիմնադրամից ենք ստացել», աւելցուցած է Տիգրան Զարգարեանը:
Գրադարանը սովորաբար 1000-1500 այցելուներ կ՛ունենայ, իսկ արձակուրդի շրջանին ընթերցողներուն թիւը նուազած է՝ 300-400ի: Այս շրջանին գրադարանին մէջ հիմնականօրէն շատ են սփիւռքահայ ընթերցողներն ու այցելուները։

 

LEAVE A REPLY

Please enter your comment!
Please enter your name here