ՀՐԹԻՌԱՅԻՆ ՊԱՏԳԱՄՆԵՐԸ ՉԵՆ ԿՐՆԱՐ ՇԵՂԵԼ ԱԶԳԱՅԻՆ ՀԱՄՈԶՈՒՄՆԵՐԸ

0
112

Հանրապետութեան նախագահ Միշէլ Սըլէյման   յայտնեց, թէ  հրթիռային յարձակումներու կրկնութիւնը,  որքան ալ վտանգաւոր  ըլլան անոնց  սպառնալիքները  եւ ինչպիսի ուղղութիւններով ալ ըլլան անոնց թիրախները, չեն կրնար շեղել ազատ խօսքի տակ արտայայտած համոզմունքները:

 Հանրապետութեան նախագահը անգամ մը եւս Պաապտայի Յայտարարութեան եւ ազգային սկզբունքներու վերադառնալու կոչ ուղղեց  քաղաքական  կողմերուն, ինչպէս նաեւ  զգօնութեան հրաւիրեց  լիբանանցիները՝  ներկայ  ծայր աստիճան  նուրբ պայմաններուն տակ:  

Նորանշանակ վարչապետ Թամամ Սալամ դատապարտեց Պաապտայի, Եարզէի եւ Ֆայատիյէի ուղղութեամբ արձակուած հրթիռները, զանոնք նկատելով վտանգաւոր եւ  մտահոգիչ: Սալամ, վերադաս մարմիններէն պահանջեց  անմիջական հետաքննութիւն մը բանալ եւ բացայայտել յանցագործները: Սալամ այս  առիթով  հեռաձայնային հաղորդակցութիւն մը ունեցաւ հանրապետութեան նախագահին հետ:

Խորհրդրանի նախագահ Նեպիհ Պըրրի   քննադատեց  իրենց  գրաւը Սուրիոյ հակամարտութեան վրայ  դրած  քաղաքական խմբաւորումները: Ան նշեց, թէ կ’ապաւինի Իրանի եւ Սէուտական Արաբիոյ միջեւ մերձեցումի մը կարելիութեան, որ կրնայ դրական ազդեցութիւն ունենալ լիբանանեան զարգացումներուն վրայ:

LEAVE A REPLY

Please enter your comment!
Please enter your name here