ՃՈՄՊԼԱԹ ԿԸ ԴՐՈՒԱՏԷ ՆԱԽԱԳԱՀԻՆ ԱԶԳԱՅԻՆ ԿԵՑՈՒԱԾՔՆԵՐԸ

0
119

Լիբանանեան բանակի օրուան առիթով  հանրապետութեան նախագահ Միշէլ Սըլէյմանի արձակած պատգամները  տարբեր մեկնաբանութիւններու  դուռ  բացին  քաղաքական  շրջանակներու  մօտ: Այս ծիրին մէջ,   Մարտ  8-ի եւ 14-ի ուժերուն  միջեւ  փոխադարձ քննադատութեան նոր  վէճ մը  ծագեցաւ  նոր կառավարութեան կազմութեան շուրջ, ուր իւրաքանչիւր կողմ հակառակորդը  սկսաւ  քննադատել՝  նոր կառավարութեան կազմութիւնը ուշացնելու ամբաստանութեամբ:

 Նախագահին մօտիկ աղբիւրներ, պատասխանելով անոր   արտասանած խօսքին  վերաբերեալ տրուող մեկնաբանութիւններուն, յայտնեցին թէ  Սըլէյմանի  խօսքը առանձնապէս  չէր պարունակեր   որեւէ  նորութիւն: Անոնք ընդգծեցին, թէ նախագահին   հիմնական մտահոգութիւնը Լիբանանի մեկուսացումն է շրջանային զարգացումներէն:  Մարտ  8-ի ուժերը ներկայացնող աղբիւր մը յայտնեց, թէ  նախագահին խօսքը ամբողջութեամբ ուղղուած էր Հըզպալլայի դէմ:  Ընկերվար Յառաջդիմական Կուսակցութեան պետ Ուալիտ Ճոմպլաթ  զարմանք յայտնեց, որ՝ հանրապետութեան խորհրդանիշը ոճի՞ր գործած էր արդեօք, պաշտպանելով  պետականութիւնը, սահմանադրական կառոյցները  եւ պետականութեան հեղինակութիւնը, որոնց   բացակայութիւնը պատերազմի տարիներուն  դարձած էր  անիշխանականութեան եւ պայքարի դրդապատճառ: Ճոմպլաթ հարցուց.« ոճի՞ր գործած էր արդեօք հանրապետութեան նախագահը՝ առանց  ապահովութեան չկայ հայրենիք,  առանց բանակի չկայ  ապահովութիւն եւ գերիշխանութիւն» արտայայտութիւններով:

LEAVE A REPLY

Please enter your comment!
Please enter your name here