ՄԱՐԶԱԿԱՆ – ՔՐԻՍԹԻԱՆՕ ՌՈՆԱԼՏՕ ԿՐՆԱՅ ՎԵՐԱԴԱՌՆԱԼ ԵՈՒՆԱՅԹԸՏ

0
146

Անգլիական օրաթերթեր կը գրեն, թէ  Մանչեսթըր Եունայտըտ կը պատրաստուի  80 միլիոն սթերլին արժողութեամբ  առաջարկ մը ներկայացնել Ռէալ Մատրիտին՝  Քրիսթիանօ Ռոնալտոյի  փոխանցումը  իրականացնելու նպատակով:  Եունայթըտի  նախկին մարզիկը կրնայ վերդառնալ  Անգլիա, որովհետեւ    կարգ մը  շշուկներու համաձայն, ան մերժած է նոր պայմանագրութիւն  մը կնքել Ռէալի հետ:

Միւս կողմէ,  ֆութպոլի բարեկամակամական մրցումի մը ընթացքին,  Ռէալ Մատրիտ  3-1 արդիւնքով պարտութեան մատնեց Լոս Անճելըս   Կլաքսիին: Անխէլ  Տի Մարիա եւ Քարիմ Պենզեմա (2) նշանակեցին  սպանական խումբին կոլերը:

 

ԿՈՒԱՐՏԻՈԼԱ ԳՈՀ Է ԻՐ ԿԱԶՄԷՆ

Պայեն Միւնիխի  նոր մարզիչ  Խօսէփ Կուարտիոլա  գոհ է իր կազմէն: Միացեալ Նահանգներկատարած  շրջապտոյտին ընթացքին,  Պայերն  Միւնիխ 2-1 արդիւնքով պարտութեան մատնեց Մանչեսթըր Սիթին եւ շահեցաւ  «Օտիօ Գափ» մրցաշարքին բաժակը: Սպանացի մարզիչը  նշեց, թէ   իր խումբը լաւ մարզավիճակի մէջ կը գտնուի ներկայիս: Ան մերժեց խօսիլ  կազմը նոր մարզիկներով համալրելու կարելիութիւններուն մասին:

ԱՐԹՈՒՐ ԱԲՐԱՀԱՄ ՏԻՏՂՈՍԸ   ՇԱՀԵԼԷ ԵՏՔ ՊԻՏԻ  ԱՄՈՒՍՆԱՆԱՅ

«Մինչեւ աշխարհի  ախոյեանի  տիտղոսը չվերադարձնեմ, չեմ ամուսնանար:  Միայն տիտղոսը  շահելէ ետք պիտի ամուսնանամ: Բայց  քանի որ խօսք տուած եմ այս տարի ընտանիք կազմել,  ուրեմն պիտի  շահիմ տիտղոսը». յայտարարեց բռնցքամարտի  գեր-միջին կարգի ծանրութեան աշխարհի նախկին ախոյեան Արթուր Աբրահամը:

Աբրահամ ներկայիս  կը նախապատրաստուի Նապիպիայի  ներկայացուցիչ Վիլպերոս  Շիհեփոյի դէմ,  24  Օգոսոտոսին Գերմանիոյ մէջ տեղի ունենալիք մենամարտին:  Շիհեփոն  պարտութեան մատնելու պարագային, Աբրահամի մրցակիցը պիտի  ըլլայ աշխարհի այժմու ախոյեան Ռոպերթ  Շթիկլիցը:

LEAVE A REPLY

Please enter your comment!
Please enter your name here