ՔԱՂԱՔԱԿԱՆ ՀՈՍԱՆՔՆԵՐԸ ԴԱՏԱՊԱՐՏԵՑԻՆ ՊԱԱՊՏԱՅԻ ՈՒՂՂՈՒԹԵԱՄԲ ԱՐՁԱԿՈՒԱԾ ՀՐԹԻՌՆԵՐԸ

0
114

Հինգշաբթի ուշ գիշերին, երեք  հրթիռներ արձակուեցան Պաապտայի ուղղութեամբ: Առաջինը՝ Սպայից ակումբին  մօտակայ  աւազանի մը մէջ, երկրորդը՝ Ղաշըքճիներու ապարանքին կից վայրի մը  մէջ: Հրթիռները  պատճառեցին  նիւթական վնաս, իսկ երրորդը  չպայթեցաւ: Կասկածներ կը շրջին, որ յարձակումը կատարուած է  բեռնակառքի մը վրայ զետեղուած  շարժուն յենարանի մը օգնութեամբ:  Քաղաքական, կրօնական, հասարակական անձնաւորութիւններ, կազմակերպութիւններ  դատապարտեցին հրթիռարձակումը եւ  պահանջեցին  բացայայտել յանցագործները:

Ներքին գործոց նախարար  Մարուան  Շերպէլ յայտնեց, թէ  Պաապտայի եւ Եարզէի ուղղութեամբ արձակուած հրթիռները յար ու նման են  Պալունէյէն  հարաւային արուարձաններ արձակուած հրթիռներուն:  Նախարարը   յայտնեց, թէ   հետաքննութիւնները կը շարունակուին  բացայայտելու  անոնց արձակուած վայրը, ինչպէս նաեւ  յանցագործները: Ապահովական մասնագէտներ յայտնաբերեցին, թէ արձակուած  հրթիռները «Կրատ -107» մակնիշը կը  կրեն: Անոնցմէ իւրքանչիւրը  կը  կշռէ 18  քիլիոկրամ եւ   համեմատաբար դիւրին է  փոխադրել զանոնք:

LEAVE A REPLY

Please enter your comment!
Please enter your name here