ԱԼ ՊԱՐԱՏԷՅԻ ԵՐԿԽՕՍՈՒԹԵԱՆ ԿՈՉ Կ’ՈՒՂՂԷ ԻՍԼԱՄԻՍՏՆԵՐՈՒՆ

0
103

 Գահիրէի մէջ  կը շարունակուին  պաշտօնանկ դարձած  նախագահ Մոհամմէտ Մորսիի  կողմնակիցներուն  բողոքի հաւաքները:  Հակառակ  բանակին եւ ներքին գործոց նախարարութեան կոչերուն, ամբոխը կը մնայ   գլխաւոր  հրապարակներուն մէջ: Եգիպտոսի փոխնախագահ  Մոհամմէտ Ալ Պարատէի  երկխօսութեան կոչ  ուղղեց Իսլամական Եղբայրակցութեան ղեկավարութեան:  Ան    պահանջեց  վերջ դնել վայրագութեան եւ սկսիլ երկխօսութեան: Ալ Պարատէյի   նաեւ յայտնեց, թէ պաշտպանութեան նախարարԱպտէլ Ֆաթահ ալ Սիսի  կրնայ իր   թեկնածութիւնը առաջադրել Եգիպտոսի նախագահութեան:

Ալ Քայիտայի  ղեկավար  Այման Ալ  Զաուահիրի բուռն յարձակում  մը գործեց Միացեալ Նահանգներու վրայ, զայն նկատելով  Մոհամմէտ Մորսիի դէմ կազմակերպուած յեղաշրջումին գլխաւոր պատասխանատուն: « Խաչակիրները եւ աշխարհականները «ամերիկացուած» բանակին հետ Պարսից  Ծոցի երկիրներուն գումարներուն  օգնութեամբ պայմանաւորուեցան տապալել Մորսիի կառավարութիւնը». յայտարարեց  Զաուահիրի: Ան՝  շարիաթական պետութիւն  հիմնելու կոչ  ըրաւ Իսլամական Եղբայրակցութեան:

Միացեալ Նահանգներու պետական քարտուղար Ճոն Քերրի ըսաւ, թէ  Ուաշինկթըն եւ այլ պետութիւններ  կ’աշխատին Եգիպտոսի  հակամարտութեան  քաղաքական լուծման:

LEAVE A REPLY

Please enter your comment!
Please enter your name here