ՆԱԽԱԳԱՀ ՍԸԼԷՅՄԱՆ ԹԵՀՐԱՆԻ ՄԷՋ ՊԻՏԻ ՄԱՍՆԱԿՑԻ ՌՈՀԱՆԻԻ ԵՐԴՄՆԱԿԱԼՈՒԹԵԱՆ

0
125

Հանրապետութեան նախագահ  Միշէլ Սըլէյման,  Թեհրանի մէջ այսօր  պիտի մասնակցի Իրանի նորընտիր նախագահ  Հասան Ռոհանիի  երդմնակալութեան  արարողութեան:  Չհաստատուած  աղբիւրներ կը յայտնեն, թէ  նախագահ Սըլէյման, Թեհրանէն  վերադառնալու ընթացքին, կրնայ կարճ  դադար մը  առնել Ճետտայի մէջ եւ  հանդիպում մը  ունենալ Ապտալլա Պըն Ապտէլ Ազիզ  վեհապետին հետ:

 Սըլէյման,  Պաապտայի  պալատին մէջ սպայից աստիճանի   Մայրիներու  շքանշանով պարգեւատրեց Ֆրանսայի  Ծերակոյտի  անդամ  Քրիսթիան  Քամարմանը:

Պաապտայի   պալատին մօտիկ աղբիւրներ դիտել կու տան, թէ բանակի օրուան առիթով   նախագահ Սըլէյմանի  արտասանած խօսքը  շրջանցած էր հատուածական, կուսակցական եւ անձնական բոլոր  հաշիւները: Նախագահ Սըլէյմանի կարծիքով ապահովական անիշխանականութիւնը անցած է  կարմիր գիծը եւ անհրաժեշտ է  սանձել  ստեղծուած  մթնոլորտը:

LEAVE A REPLY

Please enter your comment!
Please enter your name here