ԼԻԲԱՆԱՆԵԱՆ ԿԱՐՃ ԼՈՒՐԵՐ

0
128

-Ապահովական միաւորներ, Տարայայի միջադէպին լոյսին տակ   ձերբակալեցին, ապա՝  հարցաքննութեան  ենթարկեցին  Տարայա շրջանի  իմամ  շէյխ  Ահմէտ  Ապտէլ Լաթիֆ Տախախանին: Հարցաքննութիւններէն պարզուեցաւ, որ հետապնդուած անձը, զոր  մահացած էր  պայթումին հետեւանքով՝ Ահմէտ Ասիրի  թիկնապահներէն մէկն է  եւ՝  իմամին զաւակը:  

 – Ապահովական աղբիւրներ կը յայտնեն, թէ ահաբեկչական խլեակներ  ստեղծուած են Այն Հելու  գաղթակայանին, Թրիփոլի կարգ մը շրջաններու  եւ Արսէլի մէջ: Վերջիններս կը գործեն Ճեպհէթ Ալ Նուսրայի  ցուցմունքներուն տակ եւ անոնց թիրախը լիբանանեան բանակն է:

– Ապահովական մարմիններ  ձերբակալեցին Ահմէտ Ասիրի հետեւորդ  երեք անձ:  Յետ  հարցաքննութեան, անոնք խոստովանեցան թէ տասնմէկ անդամներէ բաղկացած կազմակերպութեան մը անդամներ են:

–  Արսէլի մէջ  հայազգի  Գրիգոր  Ֆոշեանը առեւանգող  կողմը,  ենթակային  ընտանիքին հետ  համաձայնութիւն կնքած է,  փոխան  55 միլիոն լիբանանեան ոսկիի ազատ արձակելու առեւանգեալը:

 – Սուրիական  ուղղաթիռ մը երեք  կրատ տիպի հրթիռներ արձակեց  Արսէլի  ուղղութեամբ:

– Արիտայի սահմանագիծին  վրայ գործող  ընդհանուր անվտանգութեան  տնօրէնութիւնը  երէկ կէսօրուան ժամը  12-էն սկսեալ, երկու  ուղղութիւններու վրայ  դադրեցուց իր աշխատանքը,  քաղաքացիներէն խնդրելով    մեկնիլ այլ սահմանագծեր: Նշենք, թէ Կիրակի օր, խումբ մը քաղաքացիներ  յարձակում  գործեցին  Արիտայի  ընդհանուր անվտանգութեան կեդրոնին վրայ: Անոնք   քարկոծեցին  գրասենեակներուն ապակիները եւ  ջարդեցին համակարգիչ մը:

-Մամլոյ  սենտիքայի  որոշումով, լիբանանեան մամուլը երկօրեայ արձակուրդ մը պիտի ունենայ Ֆիթրի տօնին առաջին եւ  երկրորդ  օրերուն:

– Մարոնիներու  Պշարա Ռայի   գարտինալը դիտել տուաւ, որ    Միջին Արեւելքի քրիստոնէութիւնը վտանգուած  է, իսկ  Սուրիոյ հարցով  Մարտ  8-ի եւ 14-ի   միջեւ ծագած տարակարծութիւնները  կը խանգարեն  լուծումի բոլոր  կարելիութիւնները:

LEAVE A REPLY

Please enter your comment!
Please enter your name here