ՍԸԼԷՅՄԱՆ ԵՒ ՍԱԼԱՄ ՔՆՆԱՐԿԵՑԻՆ ԿԱՌԱՎԱՐՈՒԹԵԱՆ ԿԱԶՄՈՒԹԵԱՆ ԸՆԹԱՑՔԸ

0
118

Տօնական  օրերու նախօրէին,  երկիրը կը դիմակալէ  ապահովական, քաղաքական եւ ընկերային  տագնապ:  Ապահովական գետնի վրայ,  լիբանանեան  տարբեր  շրջաններու մէջ կը  բացայայտուին պայթուցիկներ,  զինեալներ եւ տեղի կ’ունենան առեւանգումներ:  Քաղաքական գետնի վրայ,  նոր կառավարութեան կազմութիւնը  մատնուած է անորոշութեան, իսկ  ընկերային գետնի վրայ՝ սպառողական իրերու սակին յարատեւ մագլցումը, աշխատավարձերու  յաւելման պահանջները, անոնց դարմաններ   գտնելու կառավարութեան անկարողութիւնը, զբօսաշրջիկներու  կարօտով ապրող  զբօսավայրրը,  մռայլ   մթնոլորտ մը կը ստեղծեն  երկրին  տնտեսական առօրեային վրայ:

Այս  բոլոր  մտահոգութիւններուն լոյսին տակ, նորանշանակ վարչապետ Թամամ Սալամ երէկ առաւօտեան   այցելեց  Պաապտայի պալատ եւ հանդիպում մը ունեցաւ հանրապետութեան նախագահ Միշէլ Սըլէյմանին հետ:  Սըլէյման նաեւ ընդունեց  հրաժարեալ վարչապետ Նեժիպ Միքաթին, ելեւմտական հարցերու նախարար Մուհամմէտ Սաֆատին, ներքին գործոց նախարար  Մարուան Շերպէլը, պետական անվտանգութեան ընդհանուր  տնօրէն,  հազարապետ Ճորճ  Քարաան եւ այլ անձնաւորութիւններ:

Խորհրդարանի նախագահ  Նեպիհ Պըրրի յայտարարեց, թէ  շարժակները մարած է՝ կառավարութիւն կազմելու  ուղղութեամբ եւ կը սպասէ այլոց նախաձեռնութիւններուն: Պըրրի  դիտել տուաւ, թէ  Հըզպալլա  լիբանանեան  քաղաքական խմբաւորում մըն է  եւ քանդիչ գործունէութիւն չի ծաւալեր երկրին մէջ: Պըրրի շնորհաւորական   հեռագիր մը ստացաւ նախկին վարչապետ Սաատ Հարիրիէն՝  Ֆիթրի  տօնին առիթով:

Հրաժարեալ վարչապետ  Նեժիպ Միքաթի վարչապետարանին մէջ ընդունեց  Լիբանանի մօտ Եւրոպական  Միութեան դեսպան Անճելինա Էխորհրսթը եւ անոր հետ  քննարկեց տեղական եւ  շրջանային հարցեր:  Միքաթի նաեւ ընդունեց  երեսփոխան Մուհամմէտ Քապպարան եւ այլ անձնաւորութիւններ:

LEAVE A REPLY

Please enter your comment!
Please enter your name here