ԵԳԻՊՏՈՍԻ ՀԱԿԱՄԱՐՏՈՒԹԵԱՆ ԿՈՂՄԵՐԸ ԵՐԿԽՕՍՈՒԹԵԱՆ ՍԵՂԱՆ ԲԵՐԵԼՈՒ ԱՄԵՐԻԿԵԱՆ ԼՈՒՐՋ ՃԻԳԵՐ

0
106

Միացեալ Նահանգներու պետական քարտուղար  Ճոն Քերրի իր տեղակալին՝  Ուիլիյըմ Պըրնզին  թելադրեց շարունակել Եգիպտոսի  հակամարտութեան կողմերուն հետ իր բանակցութիւնները, մինչեւ համաձայնութեան մը գոյացումը:  Իր  կարգին, պաշտպանութեան նախարար Չաք Հէյկըլ հեռաձայնային հաղորդակցութիւն մը ունեցաւ  եգիպտոսի իր պաշտօնակիցին Ապտէլ Ֆաթահ Ալ Սիսիիի հետ  եւ քննարկեց   տագնապը  խաղաղօրէն  լուծելու  կարելիութիւնները: Եգիպտոսի տապալած նախագահ  Մոհամմէտ  Մորսիի կողմնակիցները  բողոքի  նոր  հաւաքներու    կոչ ուղղեցին  ժողովուրդին:  Ցոյցերը  տեղի կ’ունենան «Դիմադրութիւն ընդդէմ Յեղաշրջման» կարգախօսի տակ:

Եգիպտոսի  «Թամարոտ»  երիտասարդական հասարակական շարժումը, որ իրականացուց  Մորսին իշխանութենէն  հեռացնող 30  Յունիսի բողոքի հաւաքները  մերժեց հանդիպում  ունենալ   Գահիրէ  ժամանած  ամերիկացի  ծերակուտական  ճոն Մաքքէյնի եւ Լինտսի Կրեհեմի  հետ: 

Եգիպտոսի ընդդիմադիր «Յեղափոխութեան Ապագայ»  կուսակցութեան  ղեկավար Այման  Նուր,  երկրին նոր իշխանութիւններէն պահանջեց չկրկնել  Մոհամմէտ Մորսիի սխալները: Նուրի կարծիքով,  հակամարտութեան կողմերը  բանակցութիւններու սեղան   պէտք է  վերադառնան  եւ «ճանապարհային քարտէս» մը մշակեն:

LEAVE A REPLY

Please enter your comment!
Please enter your name here