ԶՕՐԱՎԱՐ ՔԱՀՈՒԱՃԻ ԿԸ ԶԳՈՒՇԱՑՆԷ

0
104

Եարզէի մէջ,  լիբանանեան  բանակի ընդհանուր հրամանատար, զօրավար Ժան Քահուաճի,  սպաներու հետ ընդլայնուած  խորհրդակցական նիստի մը  ընթացքին  դիտել տուաւ, որ Լիբանան կը բոլորէ  վտանգաւոր հանգրուան մը:  Քահուաճի  ընդգծեց, թէ  բանակը  ի վիճակի է արգիլելու ներքին որեւէ մագլցում:

Զօրավար  Քահուաճի  զգուշացուց, որ  բանակը  պիտի չլռէ  որեւէ  ոտնձգութեան առջեւ: Այս առիթով, ան յայտնեց, թէ բանակը բացայայտած է ահաբեկչական  շարք մը կազմակերպութիւններ, սակայն այս  ծիրէն ներս բաւական լուրջ եւ երկար  աշխատանք կայ կատարելիք:  Քահուաճի նաեւ  յայտնեց, թէ  յառաջիկայ  օրերուն որոշակի  փոփոխութիւններ  կը նախատեսուին  բանակին մէջ:

LEAVE A REPLY

Please enter your comment!
Please enter your name here