ՄԱԿ-Ը ՌՈՀԱՆԻԻՆ ՀՐԱՒԻՐԵՑ ՄԻՋՈՒԿԱՅԻՆ ԶԻՆԱԹԱՓՄԱՆ ՎԵՐԱԲԵՐԵԱԼ ԽՈՐՀՐԴԱԺՈՂՈՎԻՆ

0
120

ՄԱԿ-ի  ընդհանուր քարտուղար  Պան Քի Մուն յայտարարեց, թէ  պաշտօնական հրաւէր  յղուած է  Իրանի նախագահ  Հասան  Ռոհանիին, մասնակցելու  ՄԱԿ-ը ընդհանուր  նիստերու ծիրին մէջ  նախատեսուած միջուկային  զէնքերու  կրճատման  խորհրդակցութիւններուն:

ՄԱԿ-ի ընդհանուր  նիստերը պիտի մեկնարկեն  Նիւ Եորքի մէջ,  26 Սեպտեմբերին:

Նախագահ  Ռոհանի  հեռախօսային  զրոյց մը ունեցաւ Թուրքիոյ վարչապետ Ռեճէպ Թայիփ Էրտողանի հետ:  Այդ միջոցին, Իրանի նախագահը  իր թուրք զրուցակիցին յայտնեց, թէ   Թեհրան պիտի նպաստէ  Անգարայի հետ  երկկողմ  յարաբերութիւններու զարգացման:  Ռոհանի   աւելցուց, թէ  երկու երկիրները պէտք է  բոլոր ջանքերը  գործադրեն տարածաշրջանին խաղաղութիւնը եւ կայունութիւնը   վերականգնելու համար:  Ան յոյս յայտնեց, որ Թուրքիոյ եւ  Իրանի միջեւ համագործակցութիւնը պիտի նպաստէ   շրջանին մէջ   բռնութեան  կանխարգիլման:

LEAVE A REPLY

Please enter your comment!
Please enter your name here