ՇԵՐՊԷԼ ՀԵՐՔԵՑ ԹՐԻՓՈԼԻԻ ՄԷՋ ԲԱԽՈՒՄԻ ՄԸ ՆԱԽԱՊԱՏՐԱՍՏՈՒԹԵԱՆ ՏԵՂԵԿՈՒԹԻՒՆՆԵՐԸ

0
119

 Ապահովական մտահոգութիւնները սկսած են ամպոտել  լիբանանեան երկնակամարի  ամպերը: Երէկ առաւօտեան,  վարչապետարանին մէջ   հրաժարեալ վարչապետ  Նեժիպ Միքաթիի գլխաւորութեամբ  տեղի ունեցաւ ապահովական կառոյցներու  ընդլայնուած  նիստ մը:   Նիստին  մասնակցեցան  ներքին գործոց նախարար Մարուան Շերպէլ, Պաշտպանութեան Գերագոյն Խորհուրդի  ընդհանուր քարտուղար, հազարապետ Մուհամմէտ Խէյր,  բանակի  գաղտնի սպասարկութեան  ընդհանուր տնօրէն   Էտմոն Ֆատէլ,  ներքին ապահովութեան ուժերու ընդհանուր տնօրէնի պաշտօնակատար, գնդապետ  Իպրահիմ Պասպուս:  Նիստէն  ետք,   Շերպէլ անհիմն նկատեց Ֆիթրի տօնէն ետք Թրիփոլիի մէջ  պայթումի մը  կարելիութեան  մասին տեղեկութիւնները:

Միքաթի  ընդունեց   ընդունեց  ընկերային հարցերու  նախարար  Ուայէլ Ապու Ֆաուրը, տնտեսութեան եւ  առեւտուրի նախարարՆիքոլա Նահասը, ինչպէս նաեւ Համաշխարհային Դրամատան  շրջանային տնօրէն  Ֆարիտ  Պելհաժը:  Իր կարգին, Միքաթի այցելութիւն մը տուաւ Այն  Էլ Թինէ եւ խորհրդարանի նախագահ Նեպիհ Պըրրիի  հետ քննարկեց  լիբանանեան բեմին վերջին զարգացումները:

Երկրին  մէջ պատահող ապահովական խախտումները անցած են  կարմիր  գիծի սահմանները: Սուրիացի   գաղթականներու  ազատ  մուտքը,    Ահմէտ Ասիրի  կողմնակիցներուն  յայտնութիւնը, Ալ Քայիտայի եւ  սուրիական ազատ  բանակի  զինեալներուն ներկայութիւնը, նոր  պայթումի մը սեմին կեցուցած են երկիրը: Կասկածներ կան, որ Տարայայի  մէջ  բացայայտուած ռումբերուն թիրախը  խորհրդարանի նախագահ Նեպիհ Պըրրին էր:

Ապահովական  կառոյցներ  Քասրուանի մէջ   բացայայտեցին տեսակաւոր  զէնքեր: Ներքին գործոց նախարար Մարուան Շերպէլ հերքեց  վերոյիշեալ տեղեկութիւնները:

 Միւս  կողմէ, ան յայտնեց, թէ  Տարայայի պայթումին  հետեւանքով ձերբակալուած սուրիացիին  հետ   հարցաքննութիւնները սկսած  են արդէն:  Նախարարը աւելցուց, թէ  Տարայայի մէջ   բացայայտուած  քարտէսներէն կարելի եղած է կատարել երեք հետեւութիւն: Նախարարը  մտահոգութիւն յայտնեց  տիրող իրավիճակին  շուրջ, շեշտելով որ անհրաժեշտ է   ամէն գնով արգիլել աղէտները:  Ան միաժամանակ   շեշտեց, թէ անհրաժեշտ է  ձերբակալել  եւ դատել ԱհմէտԱսիրը

LEAVE A REPLY

Please enter your comment!
Please enter your name here