ՈՐՈՒ՞Ն ՀԱՒԱՏԱԼ՝ ՄԱԿ-Ի ՄՕՏ ՈՒԱՇԻՆԿԹԸՆԻ ԴԵՍՊԱՆԸ ԿԸ ՊԱՀԱՆՋԷ ԿԱՍԵՑՆԵԼ ՍՈՒՐԻՈՅ ՄԷՋ ԳՈՐԾՈՂ ԱՀԱԲԵԿՉԱԿԱՆ ԿԱԶՄԱԿԵՐՊՈՒԹԻՒՆՆԵՐԸ

0
111

ՄԱԿ-ի մօտ  Միացեալ Նահանգներու դեսպան  Սամանթա  Փաուըր   պահանջեց   կասեցնել  Սուրիոյ  մէջ գործող ահաբեկչական  հաւաքականութիւնները եւ  զանգուածային  ոճիրները:  Տարօրինակ  զարգացումներ  տեղի  կ’ունենան  Սուրիոյ մէջ:

Թուրքիոյ բացայայտ զօրակցութիւնը   վայելող ընդդիմութիւնը,  Ալ  Քայիտա  ցանցի Ճեպհէթ Ալ Նուսրա  խմբաւորումի անդամներուն հետ,  կոտորածի կ’ենթարկէ   Սուրիոյ հիւսիսային շրջաններուն մէջ   գտնուող   քրտական գիւղերու բնակիչները:

Ռազմական   գետնի վրայ, սուրիական բանակը կը  շարունակէ   Հոմս քաղաքը եւ անոր մօտակայ   շրջանները  մաքրագործել ծայրայեղականներէն:   Միւս կողմէ,  «Իրաքի եւ  Արեւելքի  Իսլամիստական  պետութիւն»  կազմակերպութեան զինեալները  յաջողեցան  իրենց  վերահսկողութեան տակ  վերցնել  Հալէպի  «Մանախ»  օդային խարիսխը: Բրիտանական «  Ֆայնենշըլ Թայմզ» օրաթերթը կը գրէ, թէ  թրքական իշխանութիւնները  ներկայիս սկսած են սիրաբանիլ  քրտական  »Ժողովրդավարական Միութիւն» կուսակցութեան հետ:  Անգարա  կը  համոզէ, որ  քրտական կուսակցութիւնը նախագահ Պաշշար Ասատի   ուժերուն դէմ  դարձնէ իր զէնքը:

LEAVE A REPLY

Please enter your comment!
Please enter your name here