ԱՍՈՐԻՆԵՐՈՒ ԴԷՄ ԳՈՐԾՈՒԱԾ ՑԵՂԱՍՊԱՆՈՒԹԵԱՆ ՅԻՇԱՏԱԿԻՆ ՅՈՒՇԱՐՁԱՆ ՊԵԼՃԻՔԱՅԻ ՄԷՋ

0
101

Պելճիքայի Լիէժ քաղաքին մէջ տեղադրուդցաւ  Օսմանեան կայսրութեան ժամանակաշրջանին  ասորիներու դէմ կազմակերպուած եւ գործադրուած  ցեղասպանութեան՝ «Սէյֆօ»ին յիշատակին  յուշարձան մը:

Սէյֆօ ասորերէնով կը նշանակէ «սուր» եւ կը խորհրդանշէ 1915-ին Օսմանեան կայսրութեան մէջ քրիստոնեայ ասորիներու, հայերու եւ յոյներու դէմ իրագործուած ցեղասպանութիւնները:
Յուշարձանի բացման արարողութեան մասնակցեցան Եւրոպայի տարբեր երկիրներէ ժամանած ասորիներ, ինչպէս նաեւ հայեր եւ քիւրտեր:
Յուշարձանի պատրաստութեան ու տեղադրման աշխատանքները աւելի քան մէկ ու կէս տարի տեւած են, սակայն տեղադրումէն միայն երկու շաբաթ առաջ յայտարարութիւն կատարուած է, որպէսզի Թուրքիա քայլերու չդիմէ տեղադրումը խոչընդոտելու գծով: Հակառակ անոր՝ Պրիւքսէլի մօտ Թուրքիոյ դեսպանատունը գործի անցած էր, նոյնիսկ ասորական ընկերութիւններու սպառնացած՝ որ չմասնակցին յուշարձանի բացման արարողութեան:
Աշխատանք կը տարուի նման յուշարձան մը եւս տեղադրելու Աթէնքի մէջ: «Սէյֆօ»ի յիշատակին նուիրուած յուշարձաններ ցարդ հաստատուած են Հայաստանի, Ֆրանսայի, Աւստրալիոյ եւ Միացեալ Նահանգներու մէջ:

 

LEAVE A REPLY

Please enter your comment!
Please enter your name here