ԱՏՐՊԷՅՃԱՆԻ ՊԱՇՏՊԱՆՈՒԹԵԱՆ ՆԱԽԱՐԱՐԸ ՈՒԱՇԻՆԿԹԸՆԻ ՄԷՋ ՔՆՆԱՐԿԱԾ Է ՆԱԽԻՋԵՒԱՆԻ ՄԷՋ ՆԱԹՕ-Ի ԽԱՐԻՍԽ ՍՏԵՂԾԵԼՈՒ ՀԱՐՑԸ

0
112

Ատրպէյճանի  պաշտպանութեան նախարար Սաֆար Ապիեւ՝  Միացեալ Նահանգներ կատարած այցելութեան ընթացքին  քննարկած է  երկու երկիրներուն միջեւ ռազմական  համագործակցութիւնը զարգացնելու կարելիութիւնները:  Ապիեւի  շրջագայութեան ընկերակցած է Ատրպէյճանի  ռազմական  ծովային նաւատորմի  փոխծովակալ  Շահին  Սուլթանովը, միջազգային  համագործակցութեան  վարչութեան պետ Ռամիզ Նաջաֆովը: Կողմերը քննարկած  են Ատրպէյճանի  հողամասերուն վրայէն ամերիկեան  զօրքերը Աֆղանիստանէն   դուրս  բերելու կարելիութիւնը , Կասպից Ծովի անվտանգութեան եւ Իրանի կացութեան վերաբերեալ հարցեր:

  Ուաշինկթընի մէջ  Սաֆար Ապիեւի ձեռք բերած  ամենակարեւոր    համաձայնութիւնը  եղած է  Նախիջեւանի մէջ ՆԱԹՕ-ի  ռազմական խարիսխ  ստեղծելու որոշումը:  «Ենի Մուսավաթ» օրաթերթը  կը գրէ.« Օրակարգի վրայ եղած է Նախիջեւանի պաշտպանութեան  նպատակով, ինքնավար հանրապետութիւնը Թուրքիոյ խնամակալութեան յանձնելու հարցը:  Կասկած  չկայ,  որ այդ մէկը տեղի պիտի ունենայ  Միացեալ Նահանգներու  հաւանութեամբ: Անհրաժեշտ է ՝  եկող տարի Թուրքիա  Նախիջեւանի մէջ  ռազմական  խարիսխ  ստեղծէ կամ ալ  ռազմական  ներկայացուցչութիւն  բանայ:  Դէպի  Նախիջեւան Թուրքիոյ   մուտքը կ’ապահովէ  նաեւ  այդ տարածքին մէջ  ՆԱԹՕ-ի ներկայութիւնը:  Վերջերս 12  օր շարունակ  Թուրքիոյ եւ Ատրպէյճանի  համատեղ  կատարած զօրավարժութիւնները, սովորական հարց չէին». նշած է  օրաթերթը:

LEAVE A REPLY

Please enter your comment!
Please enter your name here