Էնկըլ, Վան Հոլըն, Լոուի, Ուեքսմըն Եւ Ուրիշներ Ցեղասպանութեան Բանաձեւը Կը Հովանաւորեն

0
113

 Ամերիկայի Հայ Դատի յանձնախումբը կը տեղեկացնէ, թէ Գոնկրէսի ղեկավարութենէն բարձրաստիճան անդամներ համահովանաւորներ դարձած են Հայկական Ցեղասպանութեան ճանաչումը պահանջող բանաձեւին, որուն նպատակն է Թուրքիոյ եւ Հայաստանի միջեւ յարաբերութիւնները բարելաւել, հիմնուած՝ Թուրքիոյ կողմէ Հայկական Ցեղասպանութեան ճանաչումին շնորհիւ «արդար ու ամբողջական» համաձայնութեան մը վրայ:
Ներկայացուցիչներու տան թիւ 227 բանաձեւին հովանաւորներ դարձած են Էլիըթ Էնկըլ, Սքաթ Կարեթ, Ռաշ Հոլթ, Սթիւ Իզրայէլ, Նիթա Լոուի, Կրէյս Նափոլիթանօ, Տեւըն Նունեզ, Ճենիս Շաքովսքի, Սլիսըն Շուարց, Պրետ Շըրմըն, Ճան Թիէրնի, Քրիս Վան Հոլըն եւ Հենրի Ուեքսմըն:
Յիշեցնենք, թէ այս բանաձեւը Մայիսին ներկայացուած էր գոնկրէսականներ Տէյվիտ Վալատաոյի, Էտըմ Շիֆի, Մայքըլ Կրիմի եւ Ֆրենք Փալոնի կողմէ:
Ամերիկայի Հայ Դատի յանձնախումբի գործադիր վարիչ Արամ Համբարեան, ողջունելով բանաձեւը հովանաւորելու քոնկրեսականներուն որոշումը՝ աւելցուց, թէ Թուրքիոյ մէջ վերջին իրադարձութիւնները ցոյց կու տան, որ Հայկական Ցեղասպանութեան ուրացման Թուրքիոյ քաղաքականութիւնը անհանդուրժողականութեան ալիք մը ստեղծած է երկրին մէջ:
Այս մասին «Նիուզ»ի հարցումներուն պատասխանելով՝ Համբարեան աւելցուցած է. «Մօտ մէկ դար Թուրքիա ճշմարտութենէն խուսափելու քաղաքականութիւն կը վարէ՝ փորձելով ամրապնդել հայ ժողովուրդին դէմ իր գործած ոճիրին նկատմամբ անպատժելիութիւնը եւ խանգարելով իր իրաւունքներուն վերատիրանալու հայ ժողովուրդին ջանքերը: Ուրացումը կը թունաւորէ հայ-թրքական յարաբերութիւնները, Թուրքիոյ մէջ հակահայ անհանդուրժողականութեան շարունակական ալիքներու պատճառ կը դառնայ եւ կը սպառնայ Հայաստանի ու Ղարաբաղի ապահովութեան, եւ բնականաբար՝ ամբողջ տարածաշրջանին մէջ լարուածութիւն կը ստեղծէ»:
Նախապէս, հետեւեալ քոնկրեսականները եւս հովանաւորած են սոյն բանաձեւը. Աննա Էշու, Ճեքի Սփիր, Թիմ Պիշըփ, Ճիմ ՄըքԿաւըրն, Թամ Լանթոս, Կաս Պիլիրաքիս, Պրուս Պրէյլի, Մայքըլ Քափուանօ, Թոնի Քարտենաս, Ճուտի Չու, Տէյվիտ Սիսիլին, Քրիս Քոլինզ, Ճիմ Քոսթա, Ճօ Քորթնի, Ճեք Տանըմ, Ճենիս Հան, Ճէյմզ Լենկվին, Պարպարա Լի, Կրէյս Մենկ, Կերի Փիթըրզ, Ճան Սարպէյնզ եւ Տինա Թայթըս: Համոզելու համար ձեր շրջանի քոնկրեսականը, որ հովանաւորէ այս բանաձեւը, այցելեցէք www.anca.org/justice կայքէջը:

LEAVE A REPLY

Please enter your comment!
Please enter your name here