ԼԱՒՐՈՎ՝ ՌՈՒՍԻԱ ԿՈՂՄ ՉԷ ՍՈՒՐԻՈՅ ՀԱԿԱՄԱՐՏՈՒԹԵԱՆ ՄԷՋ

0
107

Ռուսիոյ արտաքին գործոց  նախարար Սերկէյ Լաւրով  յայտարարեց, թէ Մոսկուա  կողմ չէ   Սուրիոյ հակամարտութեան մէջ:   Ան դատապարտեց արեւտեան եւ արաբական  կարգ մը պետութիւններու  հովանաւորութեամբ  ծայրայեղական   զինեալներու մուտքը Սուրիա:   Լաւրով անգամ մը եւս  շեշտեց հակամարտութիւնը  երկխօսութեան  ճանապարհով լուծելու  Ռուսիոյ կեցուածքը: Ան   նշեց, թէ ծայրայեղական  ուժեր իսլամական պետութիւն կը փորձեն ստեղծել Սուրիոյ մէջ: Ռուսիոյ արտաքին գործոց նախարարը ՄԱԿ-ի Ապահովութեան Խորհուրդէն  պահանջեց դատապարտել  ծայրայեղականներու կողմէ, հիւսիսային Սուրիոյ մէջ աւելի քան  450   քիւրտերու զանգուածային կոտորածը:

 Ռուսիոյ արտաքին գործոց նախարարը  միաժամանակ անդրադարձաւ  Իրանի դէմ  Միացեալ Նահանգներու  հաստատած նոր պատժամիջոցներուն,  զգուշացնելով որ պատժամիջոցները  կը հակասեն միջուկային զէնքերու տարածումը կանխարգիլեու միջազգային ընտանիքին ցանկութիւններուն:

 ՄԱԿ-ի կից մարդասիրական հարցերու յանձնակատար  Վալերի Ամոս նոր առաջարկ մը ներկայացուց Սուրիոյ  ժողովուրդին  նպաստ  բաժնելու  ուղղութեամբ: Ամոս   շեշտեց  քաղաքական լուծումի անհրաժեշտութիւնը: Ան   զգուշացուց  մարդկային ողբերգութեան  մը անկանխատեսելի հետեւանքներէն:

Ռազմական  գետնի վրայ, Տէր Զորի մէջ, անձնասպանական գործողութեան նպատակով  պատրաստուող բեռնակառք մը անակնալօրէն պայթեցաւ, սպաննելով տասնվեց ծայրայեղականներ:

LEAVE A REPLY

Please enter your comment!
Please enter your name here