ԼԻԲԱՆԱՆԵԱՆ ԿԱՐՃ ԼՈՒՐԵՐ

0
104

– Մարոնի  եպիսկոպոսները գարտինալ  Պշարա Ռայիի  գլխաւորութեամբ գումարեցին նիստ մը եւ  քննարկեցին   ներլիբանանեան բեմին վերջին զարգացումները:  Մարոնի  կղերը դատապարտեց  լիբանանեան բանակին վրայ կատարուող յարձակումները եւ պահանջեց աճապարել կազմելու  նոր կառավարութիւն:

-Ապահովական մարմիններ  ձերբակալեցին  Ռումիյէի  բանտէն,  ընդյատակեայ  ճանապարհով   փախուստի  դիմած  15 արգելափակեալներ:

– Ընկերվար  Յառաջդիմական Կուսակցութեան պետ Ուալիտ Ճոմպլաթ սոյն ամսուան 18-ին խօսք մը պիտի արտասանէ կուսակցութեան նահատակներուն յիշատակին տեղի ունենալիք հանդիսութեան: 

– Հանրապետութեան  միւֆթի, շէյխ Մուհամմէտ  Ռաշիտ Քապպանի՝ Ֆիթրի  տօնին առիթով իր աղօթքը կատարեց Ամին մզկիթին մէջ:   Միւֆթի  Քապպանի  Լիբանանի եւ  շրջանային կացութեան պատճառով մերժեց ընդունիլ  շնորհաւորութիւններ:

– Իսրայէլեան հեռատեսելի եօթներորդ   կայանը հաղորդեց, թէ Երեքշաբթի գիշեր, Լիբանանի սահմանը հատելու  փորձի մը  ընթացքին,  իսրայէլացի  չորս զինուորներ վիրաւորուած են, ականի մը պայթումին հետեւանքով: Վարչապետ Պենիամին Նեթանիահու արդարացուց  զինուորական գործողութիւնը յայտնելով, թէ  զինուորները իրենց երկրին սահմանները կը պաշտպանէին:

– Արտաքին գործոց նախարար Ատնան Մանսուր դատապարտեց  լիբանանեան  սահմաններէն ներս  թափանցելու իսրայէլեան   միաւորին  փորձը, զայն նկատելով  թիւ 1701  բանաձեւի  խախտում:  Մանսուր ըսաւ, թէ  Լիբանան պաշտօնական բողոք մը պիտի ներկայացնէ ՄԱԿ-ին, իսրայէլեան ոտնձգութեան առիթով:

 -Լէյլաքիի մէջ ծանր  բախումներ տեղի ունեցան Ալ Զըէյթիր եւ  Ալ Հըճոլա ընտանիքներուն միջեւ, երբ նախապէս տեղի ունեցած  բախումի մը  ընթացքին վիրաւորուած Մըհտի  Ալ Զըէյթըր  մահացաւ:

– Ընկերվար  Յառաջդիմական Կուսակցութեան պետ Ուալիտ Ճոմպլաթ  Սուրիայէն հեռանալու եւ Պաապտայի Յայտարարութեան  վերադառնալու   խորհուրդ   մը տուաւ  Հըզպալլային:  Ճոմպլաթ աւելցուց, թէ կ’ուսումնասիրէ   թեքնոքրաթներէ բաղկացած , ինչպէս նաեւ  իրողական կառավարութեան մը կարելիութիւնները:

– Խորհրդարանի նախագահ Նեպիհ Պըրրի  յայտնեց, թէ տակաւին  մարած կը պահէ իր  շարժակները: Պըրրի իր  յոռետեսութիւնը յայտնեց կառավարութեան կազմութեան ուղղութեամբ:

LEAVE A REPLY

Please enter your comment!
Please enter your name here