ՍԱԼԱՄ ԿԸ ՄԵՐԺԷ ՄՆԱԼ ԱՌԱՆՑ ԿԱՌԱՎԱՐՈՒԹԵԱՆ

0
119

Նորանշանակ վարչապետ Թամամ Սալամ  յայտարարեց, թէ  կառավարութիւն կազմելու կարելիութիւնները սկսած  են նուազիլ, իսկ ինք պիտի  մերժէ  շարունակել առանց կառավարութեան:  Սալամ կը մնայ  կողմնակից  բոլոր կողմերու մասնակցութեամբ    քաղաքական կառավարութեան, սակայն պայմանները  չարտօնելու պարագային, պիտի գտնուի  այլ տարազով կառավարութիւն մը կազմելու ստիպողութեան տակ: Սալամի մօտիկ  աղբիւրներ յայտնեցին, թէ  մտադրած է    վճռական  քայլերու  դիմել Ֆիթրի  տօնէն ետք:   Քաղաքական  մեկնաբաններու կարծիքով, կառավարական տագնապը կարեւոր  զարգացումներ պիտի արձանագրէ  Ֆիթրի  տօնէն ետք:  Սալամ երէկ ընդունեց  երեսփոխան Նետիմ Ճեմայէլը,  Լիբանանի  Կեդրոնական Դրամատան  ընդհանուր կառավարիչ  Ռիատ Սալամէն եւ այլ անձնաւորութիւններ, ներքին գործոց նախարարի  գործակատար  Մարուան Շերպէլը:

 Լիբանանեան Ուժեր Կուսակցութեան  գործադիր խորհուրդի  պետ  Սամիր Ժաաժա նոյնպէս հաւանութիւն տուաւ    չէզոք դէմքերէ բաղկացած կառավարութեան մը: Մուսթաքպալ Հոսանքի անդամ, երեսփոխան Ժան Օղասապեան պահանջեց «Երեք Ութ»երու վրայ յենած կառավարութիւն մը, այլապէս՝  չէզոք դեմքերով  կառավարութիւն մը:

LEAVE A REPLY

Please enter your comment!
Please enter your name here