ՎԱՐՉԱՊԵՏԱՐԱՆԻՆ ՄԷՋ ՍՈՒՐԻԱՑԻ ԳԱՂԹԱԿԱՆՆԵՐՈՒՆ ՅԱՏՈՒԿ ԸՆԴԼԱՅՆՈՒԱԾ ՆԻՍՏ

0
123

Վարչապետարանին մէջ, հրաժարեալ  վարչապետ Նեժիպ Միքաթի,  սուրիացի   գաղթականներուն  մարդասիրական  օժանդակութիւն հայթայթելու  նպատակով   ընդլայնուած նիստ մը գումարեց՝ Միացեալ Նահանգներու,  Սպանիոյ, Գերմանիոյ, Աւստրալիոյ, Բրիտանիոյ, Գանատայի,  Դանիոյ, Նորվեկիոյ, Զուիցերիոյ, Թուրքիոյ, Իտալիոյ,  եւ Ֆրանսայի  դեսպաններուն  մասնակցութեամբ:   Ներկաները  որոշեցին  սուրիացի գաղթականներուն  համար   յատուկ սնտուկ մը  հիմնել եւ դիմել Միջազգային Դրամատան օժանդակութեան: Նիստին  նաեւ մասնակցեցան  ՄԱԿ-ի եւ  Եւրոպական Միութեան  ներկայացուցիչներ:

Հրաժարեալ  վարչապետ  Նեժիպ Միքաթի  յայտնեց, թէ  Թրիփոլիի տագնապը   Պապ Ալ Թըպէնէի եւ Ճապալ Մըսէնի միջեւ  հակամարտութիւն մը  չէ, այլ՝ կարգ մը աւազակախումբերու կողմէ, քաղաքին վրայ  իշխանութիւն հաստատելու փորձ:  Միքաթի   ընդգծեց, թէ  Անվտանգութեան Կեդրոնական Խորհուրդը մնայուն կերպով   իրազեկ  կը մնայ  Թրիփոլիի   զարգացումներէն:

Վարչապետ Միքաթի  ընդունեց  Լիբանանի  մօտ  Միացեալ  Նահանգներու դեսպան Մորա Գոնելին,  վերջինս  ծառայութեան ժամկէտը աւարտելու առիթով   հրաժեշտի այցելութիւններ կու տայ իշխանութեան ներկայացուցիչներուն:  Միքաթի նաեւ ընդունեց Փաղանգաւոր Կուսակցութեան պետ Ամին Ճեմայէլը:  Վերջինս հանդիպումէն ետք յայտնեց, թէ Լիբանան կը բոլորէ  դժուար հանգրուան մը, ուր պետական կառոյցներու մեծամասնութիւնը անդամալուծուած է:  Ճեմայէլ մաղթեց  բոլորանուէր   ճիգերով  լուծել   տագնապները, ինչպէս նաեւ կազմել մարտահրաւէրները դիմակալող կառավարութիւն:   Միքաթի ընդունեց Լիբանանի մօտ Բրիտանիոյ դեսպան  Տէյվիտ Ֆլեչըրը:  Վերջինս հանդիպումէն ետք յայտնեց,թէ  տօնական  օրերը լաւագոյն  առիթը կը ներկայանան մտածելու  Լիբանանի համար  լաւագոյն ընտրանքը:  Միքաթի  նաեւ ընդունեց  Լիբանանի մօտ  ՈՒՆԵՐՎԱ-Ի տնօրէն Ան Տեսմորը

LEAVE A REPLY

Please enter your comment!
Please enter your name here