ՔԱՂԱՔԱԿԱՆ ԴԷՄՔԵՐ ԿԸ ԴՐՈՒԱՏԵՆ ՆԱԽԱԳԱՀ ՍԸԼԷՅՄԱՆԻ ԿԵՑՈՒԱԾՔՆԵՐԸ

0
119

Հանրապետութեան նախագահ  Միշէլ Սըլէյման Պաապտայի պալատին մէջ ընդունեց այժմու եւ նախկին երեսփոխաններէ բաղկացած պատուիրակութիւն, որոնք զօրակցութիւն յայտնեցին   հանրապետութեան նախագահին, անոր ունեցած  վերջին  կեցուածքներուն առիթով: Սըլէյման  ընդունեց երեսփոխան Էլի Մարոնին, ընդհանուր անվտանգութեան ընդհանուր տնօրէն, հազարապետ Ապպաս Իպրահիմը: Վերջինս,  ներքին ապահովութեան ուժերու հիմնադրութեան 68-րդ  տարեդարձի  հանդիսութեան մանակցելու  հրաւէր մը  յանձնեց նախագահին:  Սըլէյման նաեւ ընդունեց  առողջապահութեան նախարարի  պաշտօնակատար Ալի Հասան Խալիլը, պետական նախարար Փանոս Մանճեանը եւ այլ  անձնաւորութիւններր:

Նախագահական   պալատի մօտիկ  շրջանակներ կը յայտնեն, թէ   հանրապետութեան  նախագահը  քաղաքական  բոլոր կողմերուն մէջ գրեթէ  միակն է, որ մնայուն  կը պնդէ նոր կառավարութեան մէջ Հըզպալլայի  մասնակցութեան:Նախագահին եւ  Հըզպալլայի միջեւ թշնամանք   գոյութիւն  չունի, ինչպէս կը  փորձեն պատկերացնել ոմանք: Սակայն «Ալ Լիուա» օրաթերթը իր  տեղեկութիւնները նախագահական պալատէն  քաղելով կը գրէ, թէ  նախագահ Սըլէյման ժամանցուած կը նկատէ նոր կառավարութեան պարագային՝  Ժողովուրդ, Բանակ,  Դիմադրութիւն կարգախօսը՝  Սուրիոյ հակամարտութեան  Հըզպալլայի  մասնակցութեան  պատճառով:

LEAVE A REPLY

Please enter your comment!
Please enter your name here