ՃԵՔ ՊՕՂՈՍԵԱՆ 36 ՄԻԼԻՈՆ ՏՈԼԱՐ ԱՐԺՈՂՈՒԹԵԱՄԲ ՊԱՅՄԱՆԱԳՐՈՒԹՒԻՆ ՄԸ ԿԸ ԿՆՔԷ ՃԵՑ-Ի ՀԵՏ

0
134

Սառոյցի վրայ տափօղակի հոքիի գանատական «Ճեց» խումբը (Ուինիփեկ քաղաքէն), 36 միլիոն տոլարի (ամերիկեան) 7 տարուան նոր համաձայնագիր մը կնքած է 23-ամեայ Զեք Պօղոսեանի հետ:
Համաձայնագիրը երրորդն էր Պօղոսեանի արհեստավարժ ասպարէզին ընթացքին: 2008-ին, ան երրորդ դասուած էր սառոյցի վրայ հոքիի արհեստավարժ խումբերու նոր մարզիկներու ցուցակին վրայ եւ ընտրուած էր Աթլանթայի «Թրեշըրզ» խումբին կողմէ, իսկ 2011-2012 տարեշրջանին միացած է Ուինիփեկի «Ճեզ»ին:
Ազգային Հոքիի Միութեան (NFL) առաջին հայ մարզիկը նկատուող Պօղոսեան պաշտպանողական գիծի մարզիկ է, սակայն նաեւ ներդրում կը բերէ յարձակումներուն: Նախորդ տարեշրջանին, ան խումբին հետ կատարած էր 33 մրցում՝ ապահովելով 14 կէտ (5 կոլ եւ կոլի առաջնորդած 9 փոխանցում):
Պօղոսեան Նիւ Եորք ծնած է ու 2009-էն ի վեր, տարբեր առիթներով, մաս կազմած է նաեւ Միացեալ Նահանգներու ազգային խումբին, սակայն վիրաւորուած ըլլալուն պատճառով չէր կրցած մասնակցիլ Վանքուվըրի Ձմեռնային ողիմպիականներուն:
Ան զաւակն է Այգ եւ Վիքի Պօղոսեաններուն, իսկ անոր մեծ հայրը՝ Ստեփան Պօղոսեան, Հայկական Ցեղասպանութենէն վերապրող մըն է, որ 1923-ին փոխադրուած է  Միացեալ Նահանգներ:

 

LEAVE A REPLY

Please enter your comment!
Please enter your name here