ՄՈՍԿՈՒԱ- ՈՒԱՇԻՆԿԹԸՆ ՅԱՐԱԲԵՐՈՒԹԻՒՆՆԵՐԸ ԲՆԱԿԱՆՈՆԱՑՆԵԼՈՒ ՃԻԳԵՐ

0
146

Միացեալ  Նահանգներու նախագահ Պարաք Օպամա  բացատրեց  Ռուսիոյ նախագահ Վլատիմիր Փութինի հետ  նախատեսուած հանդիպումը  յետաձգելու պատճառները:  Ան նշեց, թէ որոշումը   կապուած է ոչ միայն Էտուարտ  Սնոուտընի   հարցին հետ, այլեւ՝   շարք մը պատճառներու:  Օպամա  ըսաւ, թէ երկու  պետութիւններուն միջեւ տարակարծութիւններ գոյութիւն ունին,  Սուրիոյ հակամարտութեան  եւ  մարդկային իրաւանց  հարցերու վերաբերեալ :  Ան  ընդգծեց, թէ նախագահ Փութինի ընտրութենէն ետք,  հակաամերիկեան   քարոզչութիւնը զգալապէս աւելցած   է Ռուսիոյ  արտաքին  քաղաքականութեան   մէջ:

Հակառակ  նախագահ  Օպամայի վերապահութիւններուն,  Ուաշինկթընի մէջ  Միացեալ Նահանգներու պետական քարտուղար Ճոն Քերրի եւ  Ռուսիոյ արտաքին գործոց  նախարար Սերկէյ Լաւրով ունեցան  երկարատեւ հանդիպում մը:  Հանդիպումէն  ետք կնքուած միացեալ   մամլոյ ասուլիսին ընթացքին,  երկու  նախարարները շեշտեցին բոլոր մակարդակներու վրայ, կառուցողական եւ փոխվստահելի  երկխօսութեան անհրաժեշտութիւնը:  Նշենք թէ սոյն  հանդիպումին մասնակցեցան երկու երկիրներու պաշտպանութեան նախարարները՝  Սերկէյ  Շոյքուն եւ Չաք  Հէյկէլը:

 Լոյս ընծայուած  միացեալ յայտարարութեան մէջ նշուած է, թէ կողմերը անդրադարձած են Էտուարտ Սնոուտընի ժամանակաւոր ապաստան տալու հարցը, ինչպէս  նաեւ  երկկողմ յարաբերութիւններու  օրակարգին վրայ գտնուող շարք մը խնդիրներ:

Ռուսկան մամուլը  վերլուծելով  վերոյիշեալ հանդիպումը կը գրէ, թէ  Ուաշինկթըն ցուցաբերած է  հաշտութեան ոգի:

LEAVE A REPLY

Please enter your comment!
Please enter your name here