ՊԱՅԵՐՆ ԱՐՁԱՆԱԳՐԵՑ ԵՂԱՆԱԿԻ ԱՌԱՋԻՆ ՅԱՂԹԱՆԱԿԸ

0
148

Ուրբաթ երեկոյեան, Պայերն Միւնիխ- Պորուսիա Մէօնշենկլատպախ  հանդիպումով տրուեցաւ  Գերմանիոյ ֆութպոլի  2013-14  մարզական տարեշրջանի ախոյեանութեան ազդանշանը:  Պայերն Միւնիխի կազմը, իր նոր  մարզիչին Խօսէփ  Կուարտիոլայի  «իշխանութեան» տակ, արձանագրեց եղանակի  պաշտօնական առաջին յաղթանակը, երբ  3-1 արդիւնքով պարտութեան մատնեց Մէօնշենկլատպախը: Արիան Ռոպէն,  Մարիօ Մանջուկիչ եւ Տաւիտ  Ալապա նշանակեցին պաւարիական խումբին կոլերը:  Մրցումը աւարտելէ ետք, Կուարտիոլա  յայտարարեց, թէ գոհ էր  իր կազմին ելոյթէն:

ՍԷՆ  ԺԵՐՄԷՆ ՀԱՒԱՍԱՐՈՒԹԵԱՄԲ ԿԱՏԱՐԵՑ  ԲԱՑՈՒՄԸ

Ֆրանսայի  ֆութպոլի ախոյեանութեան  2013-14  տարեշրջանի ախոյեանութեան առաջին հանդիպումին,  Մոնփելիէ սեփական դաշտին մէջ ընդունեց անցեալ տարուան  ախոյեան Փարի Սէն Ժերմէնը:  Հակառակ մայրաքաղաքի խումբէն սպասուած  մեծ ակնկալութիւններուն,  մրցումը  վերջ գտաւ 1-1 հաւասարութեամբ:  10-րդ  վայրկեանին, Մոնփելիյէի յարձակող Ռեմի Գափելա յառաջ մղեց  իր խումբը: Ախոյեաններուն հաւասարութեան կոլը նշանակեց Մաքսուէլ՝ 60-րդ վայրկեանին:

LEAVE A REPLY

Please enter your comment!
Please enter your name here