ԲԱՆԱԿԸ ԵՏ ԿԸ ՄՂԷ ՏԷՐ ԶՈՐԻ ԵՒ ԼԱԹԱՔԻՈՅ ՎՐԱՅ ՅԱՐՁԱԿՈՒՄՆԵՐԸ

0
116

Լաթաքիոյ նաւահանգիստէն արեւելք   ինկած  շրջանին մէջ՝  կատաղի բախումներ  տեղի կ’ունենան կառավարական զօրքերու  եւ   ընդդիմութեան զինեալներուն միջեւ: Վերջիններս  բռնագրաւած են ՃեպէլԱքրատ  լեռնային շրջանը:  Սուրիական բանակը իր հակակշիռին տակ վերցուցին կարգ մը շրջաններ:  Սուրիոյ օդուժը  ռմբակոծեց  ծայրայեղականներու գլխաւոր  կեդրոնատեղին նկատուող Սալմա  քաղաքը: « Սանա»  լրատուական գործակալութիւնը   հաղորդեց, թէ  սուրիական  բանակը  ետ մղած է Տէր Զորի վրայ  յարձակում մը:  Տէր Զորի մէջ  զինուորական պարտականութեան ընթացքին  զոհուեցաւ Մասիս Խաչատուրեան անունով հայ  զինուոր մը:

Իրաքի սահմանապահները  յաջողեցան  գրաւեցին  ընդդիմութեան զէնք փոխադրող  բեռնակառք մը  եւ ձերբակալել անոր  ընկերակցող   հինգ  զինեալներ: 

Շաբաթ,  10  Օգոստոսին, ծայրայեղական զինեալներ  պարտադրաբար  կեցուցած  են  Հալէպէն  Երեւան մեկնող  օթոպիւսը եւ առեւանգած չորս հայ   երիտասարդ ուղեւորներ, ներառեալ՝  վարորդը: Ուղեւորներէն մէկուն  կինն ու զաւակը վերադարձած են  Հալէպ: Նշենք, որ   26  Յուլիսին առեւանգուած  չորս  հայ երիտասարդներուն  ճակատագիրը կը մնայ անորոշ:

Միւս կողմէ, ապահովական ուժեր,  Հինգշաբթի, 8 Օգոստոսին եւ  Ուրբաթ, 9 Օգոստոսին, Հալէպի՝  «Նոր Հալէպ» հոծ  բնակչութեամբ  շրջաններուն  մէջ  ականազերծած են երեք ականապատուած օթոպիւսներ:

LEAVE A REPLY

Please enter your comment!
Please enter your name here