ԼԻԲԱՆԱՆԵԱՆ ԿԱՐՃ ԼՈՒՐԵՐ

0
106

–         Ընկերվար Յառաջդիմական Կուսակցութեան  պետ  Ուալիտ Ճոմպլաթ դատապարտեց  թուրք  օդաչուներու առեւանգումը, զայն նկատելով  անարդարանալի  եւ   անընդունելի  գործելաձեւ:  Ճոմպլաթ  միաժամանակ դատապարտեց  ապահովական կարգ մը  պատասխանատուներու մօտ, իբրեւ  համայնքային պաշտպան  ներկայանալու   հոգեբանութիւնը:  

–         Ալ Լապուէ  գիւղին մէջ Կիրակի կէսօրէ ետք առեւանգուած սուրիացի Մուհամմէտ Ապպաս  ազատ արձակուեցաւ երէկ առաւօտեան:

–         Երեսփոխան Սամի Ճեմայէլ  դիտել տուաւ, որ  երկխօսութիւնը  կը մնայ  լիբանանը քանդումէն փրկելու  միակ ճանապարհը:

–         Մարոնիներու Պշարա Ռայի գարտինալը Կիրակի օրուան իր պատգամին մէջ աղօթեց յանուն Լիբանանի կայունութեան, ինչպէս նաեւ Միջին Արեւելքի  պետութիւններու մէջ խաղաղութիւնը,  երկխօսութիւնը   տիրական դառնալու համար:

–         Հարաւային Լիբանանի մէջ տեղակայուած ՖԻՒՆԻԼ-ի խաղաղապահ ուժերու խօսնակ Անտրէա  Թենանթի  ըսաւ, թէ  Սեպտեմբեր ամսուան սկիզբը, թրքական միաւորի 280  ծառայողներ պիտի լքեն Լիբանանը:  Թենանթի  շեշտեց, թէ  առեւանգումի  գործողութիւնը  որեւէ ներազդեցութիւն չէ ունեցած  հարաւային  Լիբանանի կացութեան վրայ:

–         Կիրակի օր, անծանօթներ Պաալպէքի  մէջ, նախապէս  լարուած թակարդի մը միջոցաւ   սպաննեցին  Ճեպհէթ Ալ Նուսրայի   ղեկավարներէն  Ապու Խալէտ  Թապշին: Նոյն պահուն, Արսէլի  քաղաքապետ Ալի  Հըժէյրի եւ Հըժէյրի  ընտանիքէն  չորս  անդամներ  մահափորձի ենթարկուեցան: Բոլորն ալ  վիրաւոր  վիճակի մէջ փոխադրուեցան  հիւանդանոց:  Վիրաւորներէն մէկը մահացաւ  տեղւոյն վրայ:

–         Արսէլի քաղաքապետ Ալի Հըժէյրի, Լապուէյի   միջադէպին պատասխանատուն նկատեց  Ամհազ եւ  Ժաաֆար ընտանիքները:

–         Նախկին վարչապետ Սաատ  Հարիրի հեռաձայնային հաղորդակցութիւն մը ունեցաւ  բանակի ընդհանուր հրամանատար զօրավար Ժան Քահուաճիի հետ եւ պահանջեց   ձերբակալել Արսէլի  քաղաքապետը  մահափորձի ենթարկող յանցագործները:  Նորանշանակ  վարչապետ  Թամամ Սալամ  նոյնպէս դատապարտեց  Արսէլի  քաղաքապետին վրայ  կատարուած յարձակումը:

LEAVE A REPLY

Please enter your comment!
Please enter your name here