ՄՈՐՍԻԻ ԿՈՂՄՆԱԿԻՑՆԵՐԸ ԿԸ ՄԵՐԺԵՆ ԵՐԿԽՕՍՈՒԹԻՒՆԸ

0
115

Քաղաքական լարուածութիւնը   չի մեղմանար Եգիպտոսի մէջ:  Ներքին գործոց նախարարութիւնը  նախկին նախագահ Մոհամմէտ Մորսիի  համակիրներուն  պայմանաժամ տուած էր  մինչեւ Երկուշաբթի առաւօտ   հեռանալ մայրաքաղաքին կարեւոր հրապարակներէն:  Մորսիի  կողմնակիցները մնացին անդրդուելի:  Եգիպտոսի Իսլամական  Եղբայրակցութիւնը ուժերը  համախմբելու  կոչ ուղղեց իր   համակիրներուն: Եղբայրակցութիւնը կը  շարունակէ պահել Ռապաա Ալ Ատաուիյա մզկիթին մօտ  կառուցած ամրոցները:  Շարժումի պատասխանատուներէն մէկը  յայտարարեց, թէ մինչեւ շաբթուան աւարտը  գրաւած պիտի  ըլլան  Թահրիր հրապարակը:

Միւս կողմէ,  իսլամական Ալ Ազհար համալսարանը, իր հովանաւորութեան տակ  հաշտութեան եւ երկխօսութեան նախաձեռնութիւն մը  ներկայացուցած է քաղաքական բոլոր կողմերուն:  Իսլամիստները բացառեցին  իրենց մասնակցութիւնը երկխօսութեան, նախապայման դնելով Մորսիի վերադարձը իշխանութեան:

Այլ գետնի վրայ, Պանի Սուէյֆ  շրջանին մէջ  բախումներ տեղի կ’ունենան ղպտիներու եւ իսլամիստներու  միջեւ:Բախումներուն  հետեւանքով երեսուն անձեր փոխադրուեցան հիւանդանոց եւ այրեցան 11 բնակարաններ:

LEAVE A REPLY

Please enter your comment!
Please enter your name here