ՆԱԽԱԳԱՀ ՓՈՒԹԻՆ ԱՅՍՕՐ ՊԻՏԻ ԺԱՄԱՆԷ ՊԱՔՈՒ

0
136

Նախագահ  Վլատիմիր Փութին, այսօր՝ Երեքշաբթի, 13  Օգոստոս, մեծ պատուիրակութեան մը գլխաւորութեամբ  պիտի ժամանէ Պաքու: Կ’ակնկալուի, որ  Ռուսիոյ նախագահը իր ազերի պաշտօնակիցին՝ Իլհամ Ալիեւի հետ ստորագրէ  ուժանիւթի եւ  հաղորդակցութեան ոլորոտին առնչուած    համաձայնագիրներ: Նախագահին պատուիրակութեան մաս կը կազմեն արտաքին գործոց նախարար Սերկէյ Լաւրովը, պաշտպանութեան նախարար  Սերկէյ  Շոյքուն,  ուժանիւթի նախարար Ալեքսանտր  Նովաքը, արտակարգ  իրավիճակներու  նախարար  Վլատիմիր  Պուչկով, հաղորդակցութեան նախարար  Մաքսիմ Սոքոլովը, ուժանիւթի զարգացման նախարար Ալեքսէյ  Ուլյուկաեւը:  Լրատուական աղբիւրներու համաձայն,  նախագահ Փութին, Ալիեւին պիտի առաջարկէ միանալ  Եւրասիական Միութեան:

Ռուսիոյ նախագահին պաշտօնական  չորրորդ այցելութիւնը պիտի  ըլլայ Ատրպէյճան:  Վերջին անգամ Փութին իբրեւ նախագահ 21 Փետրուար  2006-ին այցելած էր  Պաքու:

 

 

LEAVE A REPLY

Please enter your comment!
Please enter your name here