ՀԱՄԱՇԽԱՐՀԱՅԻՆ ԴՐԱՄԱՏԱՆ ՊԱՏՈՒԻՐԱԿՈՒԹԻՒՆ ՄԸ ԵՐԿՈՒՇԱԲԹԻ ՊԻՏԻ ԺԱՄԱՆԷ ԼԻԲԱՆԱՆ

0
106

Հանրապետութեան նախագահ Միշէլ Սըլէյման   Պէյթ Էլ Տինի ամարանոցին մէջ ընդունեց արտաքին գործոց  նախարարի պաշտօնակատար  Ատնան Մանսուրը եւ անոր հետ քննարկեց  իսրայէլեան  ոտնձգութիւններուն դէմ  ՄԱԿ-ի Ապահովութեան Խորհուրդին   Լիբանանի ներկայացնելիք   բողոքը:  Սըլէյման նաեւ  ընդունեց կենսոլորտի նախարար Նազէմ Խուրին:  Նախագահը Խուրիի  հետ  քննարկեց  յառաջիկայ Երկուշաբթի օր, Համաշխարհային Դրամատան պատուիրակութեան  Լիբանան կատարելիք այցելութեան մանրամասնութիւնները:

  Պաապտայի պալատին մօտիկ աղբիւրներ յայտնեցին, թէ հանրապետութեան նախագահ Միշէլ Սըլէյման, սոյն ամսուան  18-էն 28-ի միջեւ, արձակուրդի պատճառով պիտի բացակայի երկրէն:  Նախագահ Սըլէյման 6  Սեպտեմբերին Նիսի մէջ պիտի մասնակցի Ֆրանքոֆոն երկիրներու խորհրդաժողովին: Այդ միջոցին նախատեսուած է, որ ան հանդիպում մը ունենայ  Ֆրանսայի նախագահ Ֆրանսուա Հոլանտի հետ:  Քուլիսներու ետին, կ’ըսուի, թէ Սըլէյման Սէուտական Արաբիա    այցելութեան նախապատրաստութիւններ կը կատարէ:

LEAVE A REPLY

Please enter your comment!
Please enter your name here