ԲՈՒՌՆ ԲԱԽՈՒՄՆԵՐ ԳԱՀԻՐԷԻ ՊՈՂՈՏԱՆԵՐՈՒՆ ՄԷՋ

0
99

 Գահիրէի մէջ  բուռն բախումներ տեղի կ’ունենան Մոհամմէտ Մորսիի կողմնակիցներուն եւ  հակառակորդներուն միջեւ:  Բախումներու  հետեւանքով սպաննուեցան  երկու  հարիւրէ աւելի քաղաքացիներ:  Վիրաւորներուն թիւը  անցաւ  հինգ հարիւրը:  Իշխանութիւնը վճռած է  մայրաքաղաքին  գլխաւոր   ճանապարհները ազատել Մորսիի կողմնակիցներէն: Բախումներու  մեծամասնութիւնը տեղի կ’ունենան Գահիրէի  համալսարանէն ոչ  շատ հեռու  գտնուող  Ֆէյսալ  փողոցին մէջ:  Կողմերը զիրար կը քարկոծեն եւ  շիշեր կը նետեն: Իսլամական Եղբայրակցութիւնը  հրապարակեց հաղորդագրութիւն մը, որուն մէջ  իշխանութիւնները ամբաստանեց Մորսիի հակառակորդներուն  օգնելու յանցանքով:  Միւս կողմէ, Մորսիի  կողմնակիցները յարձակումներ կը  գործեն կառավարական շէնքերու վրայ: Նուր  Կուսակցութիւնը դատապարտեց  իշխանութեան բանեցուցած բռնութիւնը, նշելով որ   բռնութիւնը  յաւելեալ  արիւնահոսութեան  պատճառ պիտի դառնայ:

Երէկ  կէսօրէ  ետք, ոստիկանութիւնը աւելի հարուածային կերպով սկսաւ մայրաքաղաքի   պողոտաները  մաքրել՝ պաշտօնանկ դարձած   նախագահին կողմնակիցներուն  տեղադրած   վրաններէն: Ներքին  գործոց  նախարարութիւնը  շեշտեց, թէ  «անհրաժեշտ բոլոր   միջոցներուն» պիտի  դիմէ անհնազանդ ցուցարարներուն դէմ:  Ոստիկանութիւնը յայտարարեց, թէ ետդարձ պիտի  չկատարէ իր  որոշումէն:  Այս  միջոցին ապահովական մարմիններ  ձերբակալեցին  Իսլամական Եղբայրակցութեան  ղեկավարներէն  Մուհամմէտ  Պալթաճին:

Մորսիի  կողմնակիցները երկրին արեւելեան շրջաններուն մէջ գտնուող Սուէզ   քաղաքին մէջ  հրկիզեցին  եկեղեցի մը: Անոնք  միաժամանակ երկու ղպտիական եկեղեցի հրկիզեցին  Մինայի մէջ:

LEAVE A REPLY

Please enter your comment!
Please enter your name here