«ԳՐԻԳՈՐ ՆԱՐԵԿԱՑԻ» ՅՈՒՇԱՄԵՏԱԼ՝ ՔԻՒՐՏ ԳՐՈՂ ԵԱՇԱՐ ՔԵՄԱԼԻՆ

0
112

Հայաստանի մշակոյթի նախարարութիւնը «Գրիգոր Նարեկացի» յուշամետալով պիտի  պարգեւատրէ   քիւրտ գրող եւ հրապարակախօս Եաշար Քեմալին:  Եաշար Քեմալ  պիտի պարգեւատրուի հայ ժողովուրդի մշակութային ժառանգութեան նկատմամբ ունեցած խոր յարգանքին եւ քաղաքացիական խիզախ, արդարութեան, ազատութեան եւ մարդկային արժանապատուութեան պահպանման ծառայող արժէքներուն հանդէպ ցուցաբերած նուիրումին եւ գրական վաստակին համար:
«Գրիգոր Նարեկացի» յուշամետալը Եաշար Քեմալին պիտի յանձնուի 4 Սեպտեմբերին, Իսթանպուլի մէջ:

Այս առիթով կազմակերպուելիք հանդիսութեան պիտի մասնակցին Հայաստանի մշակոյթի նախարարութեան ներկայացուցիչ Սէյրանուհի Գեղամեանը, Ազգային ժողովի պատգամաւոր Արագած Ախոյեանը եւ Արեւմտահայերու Ազգային Համագումարի ներկայացուցիչներ:
Եաշար Քեմալին «Գրիգոր Նարեկացի» յուշամետալ շնորհելու որոշումը տրուած է Արեւմտահայոց Ազգային Համագումարի առաջարկով:
Եաշար Քեմալը այն գործիչն է, որուն ջանքերով 1951-ին կասեցուեցաւ Աղթամարի հայկական Սուրբ Խաչ եկեղեցւոյ ոչնչացման թրքական իշխանութիւններուն ծրագիրը:

 

LEAVE A REPLY

Please enter your comment!
Please enter your name here