ԼԻԲԱՆԱՆԵԱՆ ԿԱՐՃ ԼՈՒՐԵՐ

0
116

-Մարտ 14-ի ուժերու ընդհանուր քարտուղարութիւնը  գումարեց իր  հերթական նիստը եւ  քննարկեց ներլիբանանեան  բեմին  վերջին զարգացումները:  Նիստէն ետք լոյս  ընծայուած  հաղորդագրութիւնը  շեշտեց պետականութիւնը զօրացնելու անհրաժեշտութիւնը: Մարտ 14-ի ուժերու   ընդհանուր քարտուղարութիւնը Հըզպալլայէն պահանջեց յարգել  պետականութեան  հիմունքները  եւ  վերադառնալ  անոր հովանիին տակ:

 

– Լիբանանեան բանակի  հրամանատար  զօրավար Ժան Քահուաճի ընդունեց պետական անվտանգութեան  ընդհանուր տնօրէն, հազարապետ  Ճորճ Քարաան եւ անոր հետ քննարկեց ապահովական վերջին զարգացումները, ինչպէս  նաեւ երկու կառոյցներուն միջեւ համագործակցութեան  միջոցները:

– Արտաքին գործոց նախարարի պաշտօնակատար Ատնան Մանսուր, ՄԱԿ-ի մօտ Լիբանանի դեսպանին միջոցաւ պաշտօնական  բողոք մը ներկայացուց Իսրայէլի դէմ՝  7 Օգոստոսին,   Կապոյտ Գիծը խախտելու եւ  լիբանանեան հողերէն ներս  թափանցելու պատճառով:   Բողոքագիրը իսրայէլեան արարքըկը  նկատէ  իբրեւ   թիւ 1701  բանաձեւի  յստակ խախտում:

–   Ապահովական խիստ միջոցառումներու տակ, Ժամաա Իսլամիյէի նախաձեռնութեամբ,  Լիբանանի մօտ Եգիպտոսի  դեսպանատան առջեւ  նստացոյց մը  տեղի ունեցաւ՝ առ ի պաշպանութիւն Իսլամական Եղբայրակցութեան:  Նստացոյցին մասնակիցները պահանջեցին Մորսիի  վերադարձը  իշխանութեան:

LEAVE A REPLY

Please enter your comment!
Please enter your name here