ՀԱՍՄԻԿ ՊԱՊԵԱՆ՝ ՀԱՅԱՍՏԱՆ ԳԱԼԸ ՊԱՏԻՒ Է ԲՈԼՈՐ ՄԵԾ ԱՐՈՒԵՍՏԱԳԷՆԵՐՈՒ ՀԱՄԱՐ

0
125

 Աշխարհի մեծ բեմերուն վրայ հանդէս եկած համաշխարհային օփերայի երգչուհի Յասմիկ Պապեանը մեծապէս տպաւորուած է հայ հանդիսատեսով։ Երեւանի մէջ տուած մամլոյ ասուլիսի ընթացքին՝ անդրադառնալով 25 Յուլիսին Հայաստանի պետական ֆիլհարմոնիք նուագախումբի համերգաշրջանը եզրափակող համերգին, Պապեանը նշեց, որ առաջարկը իր համար «անչափ գայթակղիչ էր եւ միաժամանակ անակնկալ»:
«Ուրախալին այն էր, որ դահլիճը ծարաւ էր այդ երաժշտութեանը: Ուրախ եմ, որ իրենք հասկացան եւ գնահատեցին: Մենք ունենք հրաշալի ունկնդիր: Հայ ունկնդիրը շատ պահանջկոտ է եւ զգայուն, որը հասկանում է ճիշդ է, թէ սխալ մեկնաբանութիւնը», նշեց Պապեան: Անոր համաձայն, ի տարբերութիւն եւրոպական բազմաթիւ երկիրներու, ուր դասական երաժշտութեան հիմնական սիրահարները 60-էն բարձր տարիքի մարդիկ են, Հայաստանի մէջ լսարանի երիտասարդացման միտում կայ:
«Երիտասարդներն այսօր շատ-շատ են եւ թատրոններում, եւ համերգասրահներում, եւ պէտք է նրանց ապահովել բարձրորակ երաժշտութեամբ», դիտել տուաւ երգչուհին: Անոր համաձայն, աշխարհի մէջ կան բազմաթիւ համաշխարհային մեծութիւն ունեցող հայ եւ օտար արուեստագէտներ, որոնք պատրաստ են հրաւիրելու պարագային սիրով գալ եւ համերգ տալ Հայաստանի մէջ: «Հայաստան գալը պատիւ է բոլոր մեծ արտիստների համար», նշեց ան։
Անդրադառնալով յառաջիկայի ծրագիրներուն՝ Պապեան յայտնեց որ կը շարունակուի իր եւ Հայաստանի պետական ֆիլհարմոնիք նուագախումբին հետ համագործակցութիւնը եւ մինչ տարեվերջ բացառուած չէ, որ իրենք տան համերգ մը եւս՝ ներկայացնելով այլ ծրագիր: «Ֆիլհարմոնիքի հետ համագործակցութիւնը կը շարունակուի եւ ես ուրախ եմ դրա համար, քանի որ երբ դրսում յաջողութիւններ ունես, դա ուրիշ է», նշեց Պապեան:
Ան ըսաւ, որ Զալցպուրկի մէջ ներգրաւուած է նաեւ «Պատերազմի ռեքվիեմ» օփերային մէջ:
Պապեան յայտնեց, որ իրեն համար Հայաստանի պետական ֆիլհարմոնիք նուագախումբին հետ կայացած համերգը աւելի քան խորհրդանշական էր, քանի որ վերջին անգամ նուագախումբին հետ ելոյթ ունեցած է 22 տարի առաջ, երբ խումբը կը ղեկավարէր Լորիս Ճգնաւորեանը:

 

LEAVE A REPLY

Please enter your comment!
Please enter your name here