ՄԱՐԶԱԿԱՆ – ՀԱՅԱՍՏԱՆ ՅԱՋՈՂՈՒԹԻՒՆ Կ’ԱՐՁԱՆԱԳՐԷ ԸՄԲՇԱՄԱՐՏԻ ԱՇԽԱՐՀԻ ԵՐԻՏԱՍԱՐԴԱԿԱՆ ԱԽՈՅԵԱՆՈՒԹԵԱՆ

0
136

Պուլկարիոյ  մայրաքաղաք Սոֆիայի մէջ տեղի ունեցող յունահռոմէական  ըմբշամարտի աշխարհի   երիտասարդական ախոյեանութեան մրցումներուն  առաջին  օրը  Հայաստան ապահովեց երկու ոսկէ մետալ:

 Կարէն Ասլանեան հասաւ 60 քիլոկրամ ծանրութեան  կարգի  աւարտականին եւ 7-0 արդիւնքով  պարտութեան մատնեց թուրք՝ Էնէս Պասարին: Կարապետ Չալեան՝  74  քիլոկրամ,  երկրորդ   ոսկէ մետալը պարգեւեց  Հայաստանին, աւարտականին պարտութեան մատնելով  ուքրանացի  Անտրիյ  Անթոնիուքին: :

ՀՌՈՄԻ ՊԱՊԸ  Կ’ԸՆԴՈԻՆԻ  ԻՏԱԼԻՈՅ ԵՒ ԱՐԺԱՆԹԻՆԻ ՀԱՒԱՔԱԿԱՆՆԵՐԸ

Հռոմի Ֆրանսիսկոս Ա. Պապը ընդունեց Իտալիոյ եւ Արժանթինի ազգային խումբերուն մարզիկները:  Հաւաքականներուն խմբապետները՝   Ճանլուճի Պուֆոն եւ  Լիոնէլ Մեսի ձիթենիի  ծառի ծաղկաման մը  նուիրեցին Քահանայապետին: «  Դուք  հռչակաւոր էք, մարդիկ կ’երկրպագեն Ձեզ  եւ սա լրացուցիչ պարտաւորութիւն է օրինակ ծառայելու համար: Մի մոռնաք, որ ախոյեան դառնալէ առաջ, դուք մարդ էք եւ պէտք է բարեկամաբար   վերաբերիլ իրարու  հանդէպ, ». շեշտեց Պապը:

ԵԼԵՆԱ  ԻՍԻՆՊԱՅԵՒԱ ԱՇԽԱՐՀԻ ԱԽՈՅԵԱՆ

 Մոսկուայի մէջ  տեղի ունեցող աթլեթիզմի աշխարհի ախոյեանութեան մրցումներուն, կանանց  ձողացատկի աշխարհի մրցանակակիր  Ելենա  Իսինպայեւա  դարձաւ  ոսկէ  մետալակիր, հատելով 4.91 մեթէ բարձրութիւն: Սոյն յաղթանակէն ետք,  31-ամեայ   Իսինպայեւա  յայտարարեց, թէ   մտադրած է  վերջնականապէս լքել ասպարէզը:

Մոսկուայի մէջ ընթացող աթլեթիզի աշխարհի ախոյեանութեան մրցումներուն ընդհանուր դասաւորումը կը   գլխաւորէ  Միացեալ Նահանգները:  Ամերիկազիները ցարդ  շահած են  4՝ ոսկէ, 5՝ արծաթէ եւ 1՝ պրոնզէ մետալ:  Երկրորդ եւ  երրրոդ  դիրքերուն վրայ համապատասխանաբար կու գան  Գերմանիան եւ Քենիան:  

 

 

LEAVE A REPLY

Please enter your comment!
Please enter your name here