ՉՈՐՍ ԶՈՀ, 30-Է ԱՒԵԼԻ ՎԻՐԱՒՈՐ՝ ՀԱՐԱՒԱՅԻՆ ԱՐՈՒԱՐՁԱՆՆԵՐՈՒ ՄԷՋ ԱԿԱՆՈՒԱԾ ԻՆՔՆԱՇԱՐԺԻ ՄԸ ՊԱՅԹՈՒՄԻՆ ՀԵՏԵՒԱՆՔՈՎ (ԹԱՐՄԱՑՈՒԱԾ )

0
160

  Խռովարարութեան  ձեռքերը կը  փորձեն  քանդել Լիբանանի  քաղաքային  կայունութիւնը: Այսօր երեկոյեան, ժամը  6. 08-ին ականուած ինքնաշարժ մը պայթեցաւ հարաւային արուարձաններու Ռուէյս  շրջանի  «Սէյիտ  Ալ Շուհատէ» կեդրոնատեղիին  մօտակայ  վայրի մը  մէջ:  Պայթումը պատահեցաւ«Մահֆուզ Սթոր» հագուստեղէնի  խանութիւն  եւ վառելանիւթի  խանութի մը միջեւ, գլխաւոր ճանապարհին վրայ: Պայթումին բոցերը տարածուեցան բնակելի շէնքերուն ուղղութեամբ:  

Լիբանանեան  Կարմիր Խաչի   ընդհանուր  քարտուղար  Ճորճ  Քաթաննէ  յայտարարեց , թէ նախնական տուեալներով   պայթումը  խլած է   հարիւր քսանէ  աւելի  վիրաւոր, կան նաեւ չորս  զոհեր: : Ներքին գործոց նախարարութիւնը  հաղորդեց, թէ ականուած  ինքնաշարժ մը  պայթած է  հարաւային արուարձաններու մէջ:  Առողջապահութիւնը   բոլոր հիւանդանոցներէն  պահանջեց անմիջական օգնութիւն ցուցաբերել  պայթումէն տուժած  քաղաքացիներուն:

Ռոյթըրզ» լրատուական գործակալութիւնը, ականատեսի  մը վկայութեան  վրայ հիմնուելով, հաղորդեց, թէ  պայթումը խլած է ինը  զոհ: «Ալ Մուսթաքպալ» հեռատեսիլի կայանը հաղորդեց, թէ  զոհերուն թիւը  բարձրացած է  12-ի,  վիրաւորները՝ վաթսուն: «Ալ ՄԱնար» հեռատեսիլի կայանը հաղորդեց, թէ  կասկածղներ կան, որ պայթումը կրնայ  ըլլալ անձնասպանական  գործողութեան  հետեւանք:

Հըզպալլայի պատասխանատուներ  հերքեցին պայթումին  թիրախը անձնաւորութիւն մը  ըլլալու մասին  տեղեկութիւնները:

Նշենք, թէ   մօտաւորապէս    քառասուն օրեր առաջ պայթում մը պատահեցաւ  Պիր Էլ Ապըտի մէջ, պատճառելով  նիւթական վնասներ:

LEAVE A REPLY

Please enter your comment!
Please enter your name here