ԱՆՎՏԱՆԳՈՒԹԵԱՆ ԳԵՐԱԳՈՅՆ ԽՈՐՀՈՒՐԴԻ ՆԻՍՏ

0
117

 Ուրբաթ առաւօտեան, Պաապտայի  պալատին մէջ, հանրապետութեան նախագահ Միշէլ Սըլէյմանի  գլխաւորութեամբ, անվտանգութեան գերագոյն խորհուրդը  գումարեց  նիստ մը եւ  քննարկեց  Ռուէյսի  պայթումը, ինչպէս նաեւ երկրին ապահովական  իրավիճակը: Նիստին մասնակցեցան արտաքին գործոց նախարար  Ատնան Մանսուր, արդարադատութեան նախարար  Շեքիպ Քըրթպաուի,  ներքին գործոց նախարար Մարուան Շարպէլ, պաշտպանութեան նախարար Ֆայէզ Ղըսն,  ելեւմտական նախարար  Մուհամմէտ Սաֆատի,  տնտեսութեան նախարար Նիքոլա Նահաս եւ ապահովական կառոյցներու  ներկայացուցիչներ: Նիստի աւարտին յայտարարուեցաւ, թէ ապահովական կառոյցները  աւելի  լուրջ  ճիգեր պիտի բանեցնեն ահաբեկչական  գործողութիւններ իրականացնող եւ Լիբանանի ապահովական կայունութեան սպառնացող  կազմակերպութիւններու  դէմ:

Նախքան նիստը, նախագահ Սըլէյման կարճ խորհրդակցութիւններ  ունեցաւ հրաժարեալ վարչապետ Նեժիպ Միքաթիի եւ նախկին վարչապետ Ֆուատ Սինիորայի հետ:

LEAVE A REPLY

Please enter your comment!
Please enter your name here