ԹՈՒՐՔԻԱ՝ ՂԱՐԱԲԱՂԻ ՀԱԿԱՄԱՐՏՈՒԹԵԱՆ ԽԱՂԱՂ ԼՈՒԾՈՒՄԻՆ ՄԷՋ ԿԸ ՏԵՍՆԷ ԿՈՎԿԱՍԻ ԿԱՅՈՒՆՈՒԹԵԱՆ ՆԱԽԱՊԱՅՄԱՆԸ

0
119

Թուրքիոյ նախագահ  Ապտուլլա Կիւլ,  արտաքին գործոց նախարար  Ահմէտ Տաւուտօղլուի ընկերակցութեամբ մասնակցեցաւ Ատրպէյճանի Գապալա ( նախապէս հայաբնակ  Կուտկաշէն)  քաղաքին մէջ  տեղի ունեցող  թրքալեզու երկիրներու  համագործակցութեան խորհուրդի խորհրդաժողովին:  Կիւլ, հանդիպումներ ունեցաւ  խորհրդաժողովին մասնակցող Ատրպէյճանի,  Ղրղզստանի եւ  Ղազախստանի նախագահներուն հետ: 

 Խորհրդաժողովի  ընթացքին ունեցած ելոյթին մէջ, Թուրքիոյ  արտաքին  գործոց  նախարար Ահմէտ Տաւուտօղլու,  անդրադառնալով ղարաբաղեան հակամարտութեան, յայտարարեց, որ հարաւային Կովկասի եւ Միջին Ասիոյ մէջ դժուար պիտի  ըլլայ խաղաղութիւն եւ ապահովութիւն ապահովել՝  մինչեւ  խաղաղ  ճանապարհով  չլուծուի  ղարաբաղեան հակամարտութիւնը:  Ան ըսաւ, թէ առանց Լեռնային Ղարաբաղի խնդրի խաղաղ  ճանապարհով լուծման, անհնարին է  կայունութեան  հասնիլ հարաային Կովկասի եւ  Միջին Ասիոյ մէջ: Տաւուտօղլու անուղղակիօրէն քննադատեց ԵԱՀԿ-ի Մինսքի Խմբակին գործունէութիւնը .« Այն փաստը, որ  հակամարտութեան խաղաղ  կարգաւորման նպատակով  աւելի քան  քսան  տարիէ  ի վեր  բանակցութիւնները ապարդիւն կը մնան, մեզ  լրջօրէն  կ’անհանգստացնէ». ըսաւ ան:

 

LEAVE A REPLY

Please enter your comment!
Please enter your name here