ՍԱԼԵՀԻ ԴԱՐՁԱՒ ՆԱԽԱԳԱՀ ՌՈՀԱՆԻԻ ԽՈՐՀՐԴԱԿԱՆ

0
104

Նախագահ Հասան Ռոհանի, Իրանի նախկին արտաքին գործոց նախարար Ալի Աքպար Սալեհին նշանակեց իր անձնական խորհրդականը եւ միջուկային ուժանիւթի պատուիրակութեան նախագահ:  Յատկանշական է, որ  նոր նշանակումէն քանի մը  ժամ առաջ, Սալեհի  հեռաձայնային հաղորդակցութիւն մը  ունեցաւ   ՄԱԿ-ի եւ Արաբական  Լիկայի պատուիրակ  Լախտար Իպրահիմիի հետ եւ անոր հետ   քննարկեց Սուրիոյ իրավիճակը: Սալեհի՝ Թեհրան այցելութեան հրաւէր մը փոխանցեց Իպրահիմիին:

Իրանի արտաքին գործոց նախարարութեան խօսնակ Ապպաս  Արաքճի յայտարարեց, թէ նախագահ Հասան Ռոհանի արտերկրի  իր շրջագայութիւններուն մէջ   ընդգրկած է Նիւ  Եորքի մէջ կայանալիք ՄԱԿ-ի ընդհանուր նիստերու մասնակցութիւնը, սակայն   տակաւին վերջնական որոշում մը   չէ ընդունած այս  ուղղութեամբ:

LEAVE A REPLY

Please enter your comment!
Please enter your name here