ԲԱԽՈՒՄՆԵՐԸ ԵՒ ՁԵՐԲԱԿԱԼՈՒԹԻՒՆՆԵՐԸ ՉԵՆ ԴԱԴՐԻՐ ԵԳԻՊՏՈՍԻ ՄԷՋ

0
118

Իշխանութիւնները աւելի քան   հազար հինգ հարիւր  անձեր  ձերբակալեցին  վերջին  քսան չորս ժամերուն ընթացքին:  Բանակը եւ  ոստիկանութիւնը  մզկիթներ խուժելով, կը  ձերբակալէ այնտեղ  ապաստան գտած   քաղաքացիները:Իսլամական  Եղբայրակցութիւնը  յայտարարեց, թէ ետդարձ պիտի  չկատարէ ցոյցերէն, մինչեւ  Մոհամմէտ Մորսիի  վերադարձը իշխանութեան:   Միւս կողմէ, բանակի հրամանատարութիւնը  հերքեց  իր շարքերուն մէջ  պառակտումի մասին  տեղեկութիւնները:

Միացեալ Նահանգներու  պետական քարտուղարութեան խօսնակ Ճէյն Փսաքի յայտնեց, թէ  Ուաշինկթըն մօտէն կը հետեւի Եգիպտոսի  զարգացումներուն: Փսաքի  նշեց, թէ  քաղաքացիներուն  իրաւունքն է  մասնակցիլ  խաղաղ ցոյցերու:  Ան ցաւ յայտնեց մեծ թիւով  անմեղներու  սպանութեան:

Քուէյթ, Սէուտական Արաբիա, Յորդանան եւ Արաբական Միացեալ Էմիրութիւններ իրենց  զօրակցութիւնը յայտնեցին  Եգիպտոսի նոր  իշխանութեան: Եգիպտոս  ջնջեց  Թուրքիոյ հետ  միացեալ  ռազմափորձերը:

 

LEAVE A REPLY

Please enter your comment!
Please enter your name here