«ԺԸՆԵՒ -2» ԽՈՐՀՐԴԱԺՈՂՈՎԸ ՀՈԿՏԵՄԲԵՐԻՆ

0
145

Իրաքի արտաքին գործոց նախարար Հոշիար Զիպարի  յայտարարեց, թէ  Սուրիոյ հակամարտութեան վերաբերեալ  նախատեսուած «Ժընեւ -2» խորհրդաժողովը  տեղի պիտի ունենայ Հոկտեմբերին:  Զիպարի սոյն յայտարարութիւնը կատարեց հիմնուելով  Ուաշինկթընի եւ Նիւ Եորքի   հետ ունեցած վերջին  խորհրդակցութիւններուն:  Ան հաւաստեց, թէ Պաղտատ կը  զօրակցի  հակամարտութեան  խաղաղ կարգաւորման:

Զիպարի անուղղակի  պատասխան մըն ալ տուաւ Սուրիոյ  քիւրտերը  պաշտպանելու Մասուտ Պարզանիի յայտարարութեան, յայտնելով, թէ  անհրաժեշտութիւն չկայ  միջամտելու  դրացի  պետութեան մը ներքին  հակամարտութեան: Ան ընդգծեց, թէ  Իրաքեան Քիւրտիստանի   կողմնորոշումը չի կրնար  տարբերիլ  Իրաքի կառավարութեան  կեցուածքէն:

Թուրքիոյ արտաքին գործոց նախարար  Ահմէտ Տաւուտօղլու  խուսափեցաւ յստակ պատասխանելու՝  արդեօ՞ք  Թուրքիա համաձայն է հիւսիսային Սուրիոյ մէջ  քրտական ինքնավարութիւն ստեղծելու  հարցումին:  Տաւուտօղլու յայտնեց, թէ  Թուրքիա  չի հաւատար  խնդրոյ առարկայ  տեղեկատուութեան եւ այդ պատճառով ալ  կը  մերժէ  մեկնաբանութիւն կատարել   նման  հարցումներու:

LEAVE A REPLY

Please enter your comment!
Please enter your name here