ՀԱՅՈՑ ԴԷՄ ԳՈՐԾՈՒԱԾ ՑԵՂԱՍՊԱՆՈՒԹԵԱՆ ՎԵՐԱՊՐՈՂՆԵՐՈՒ ՎԿԱՅՈՒԹԻՒՆՆԵՐԸ ԹՈՒԱՅՆԱՑՆԵԼՈՒ ՀԱՄԱՁԱՅՆՈՒԹԻՒՆ

0
147

 Հայկական շարժապատկերի հիմնարկը եւ Հարաւային Գալիֆորնիոյ համալսարանին (USC) մէջ գործող «Շօա» հիմնարկը 19 Յունիսին համաձայնութիւն մը գոյացուցած են՝ Հայկական Ցեղասպանութենէն 400 վերապրողներու վկայութիւնները թուայնացնելու ծրագիրը ամբողջացնելու՝ մինչեւ Ցեղասպանութեան հարիւրամեակը, որպէսզի անոնք մաս կազմեն «Շօա» հիմնարկի մնայուն «Տեսողական պատմութիւն» հաւաքածոյին:
Վերապրողներու վկայութիւնները արձանագրուած են Հայկական շարժապատկերի հիմնարկի հանգուցեալ հիմնադիր Մայքըլ Յակոբեանի կողմէ, 16 մմ. ժապաւէնի վրայ, 1996-2005 տարիներուն միջեւ:
Նշեալ վերապրողները մահացած են ներկայիս: Անոնց հետ հարցազրոյցները կատարուած են 10 տարբեր լեզուներով: Անոնք 8-էն 29 տարեկան էին Հայկական Ցեղասպանութեան օրերուն:
Հարցազրոյցներուն թուայնացումը պիտի կատարուի երկու տարբերակով, որոնցմէ մէկը համացանցի միջոցաւ դիտուելու համար է, իսկ միւսը՝ սփռումներու համար օգտագործուելու:

 

LEAVE A REPLY

Please enter your comment!
Please enter your name here