ՄԱԿ ԵՒ ԵՒՐՈՊԱԿԱՆ ՄԻՈՒԹԻՒՆԸ ԻՐԵՆՑ ՄՏԱՀՈԳՈՒԹԻՒՆԸ Կ’ԱՐՏԱՅԱՅՏԵՆ ԵԳԻՊՏՈՍԻ ԶԱՐԳԱՑՈՒՄՆԵՐՈՒՆ

0
130

Միջազգային ընտանիքը անգամ մը եւս  իր մտահոգութիւնը արտայայտեց Եգիպտոսի զարգացումներուն: Եւրոպական Միութիւնը շատ հաւանաբար  յառաջիկայ օրերուն դադրեցնէ  դիւանագիտական յարաբերութիւնները  Եգիպտոսի  հետ: Եւրոպական Միութեան Խորհուրդի նախագահ  Հերման Վան Ռոմպոյ եւ Եւրոպական Յանձնաժողովի  նախագահ   Ժոզէ  Մանուէլ  Պարոզօ  հանդուրժողութեան կոչ ուղղեցին հակամարտութեան կողմերուն:  ՄԱԿ-ի ընդհանուր քարտուղար Պան Քի Մուն անգամ մը եւս դատապարտեց  Եգիպտոսի մէջ տեղի ունեցող վայրագութիւնը եւ  պահանջեց, որ Եգիպտոսի  ղեկավարները յառաջ  քաշեն «վստահութեան արժանի»  ծրագիր՝ տարածուած  բռնութիւնը դադրեցնելու համար:

Վարչապետ  Հաշէմ ալ  Պապլաուի  ներկայիս կ’ուսումնասիրէ  Իսլամական Եղբայրակցութիւնը լուծարքի ենթարկելու  կարելիութիւնները:  Ան  բացառեց փոխհասկացողութեան նստիլ  ձեռքը արիւնի մէջ  թաթխած հոսանքներու հետ: Միւս կողմէ, նախագահ Մուհամմէտ Մորսիի դէմ  ըմբոստութիւնը  գլխաւորող «Թամարոտ»   շարժումը ստորագրահաւաք կազմակերպած է , իշխանութիւններէն պահանջելով  հրաժարիլ ամերիկեան օժանդակութիւններէն եւ չեղեալ նկատել Իսրայէլի  հետ խաղաղութեան համաձայնագիրը:

LEAVE A REPLY

Please enter your comment!
Please enter your name here