ԽՈՐՀՐԴԱՐԱՆԻ ՆԻՍՏԸ ԿՐՆԱՅ ՉՈՐՐՈՐԴ ԱՆԳԱՄ ՅԵՏԱՁԳՈՒԻԼ

0
118

Երեքշաբթի, խորհրդարանը  հրաւիրուած է   լիագումար նիստի մը: Սոյն նիստը,  29 Յուլիսին  երրորդ անգամ ըլլալով  յետաձգուած էր: Այսօրուան նիստն ալ շատ հաւանաբար    ունենայ  իր նախորդներուն ճակատագիրը եւ  յետաձգուի անգամ մը եւս: Այս ծիրին մէջ,  խորհրդարանի նախագահ Նեպիհ Պըրրի յայտարարեց, թէ  անփոփոխ կը պահէ առաջին նիստին նախօրէին   ճշդած   45 օրակարգերը:

ԼԻԲԱՆԱՆԵԱՆ ԿԱՐՃ ԼՈՒՐԵՐ

 – Թուրք  օդաչու մը  մերժեց իրականացնել Իսթանպուլէն – Պէյրութ  թռիչք մը, առ ի բողոք՝  9  Օգոստոսին,  Լիբանանի մէջ առեւանգուած  իր երկու  բարեկամ  օդաչուներուն:

– Ընդհանուր անվտանգութեան  տնօրէնութիւնը ձերբակալեց ահաբեկչական կազմակերպութեան մը   չորս անդամներ: Ենթակաները կ’ամբաստանուին երկրի տարբեր  շրջաններու  մէջ ականուած  ինքնաշարժներ  զետեղելու յանցանքով: Շաբաթավերջին տասնվեց  անձեր  ձերբակալուեցան զանազան ապահովական միջադէպերու կասկածով, որոնց մէջ՝ կրօնական մը:

-Ներքին  ապահովութեան  ուժերու աղբիւր մը յայտնեց, թէ  թուրք օդաչուները առեւանգելու կասկածով  ձերբակալուած  երեք անձերը  չեն պատկանիր Հըզպալլային: Ձերբակալեալները   բաւական  կարեւոր խոստովանութիւններ կատարած են, առեւանգումի գործողութիւնը կազմակերպելու եւ գործադրելու  վերաբերեալ:

LEAVE A REPLY

Please enter your comment!
Please enter your name here