ՄԱՐԶԱԿԱՆ – ՄԵԾԵՐԸ ՅԱՂԹԱՆԱԿՈՎ ՍԿՍԱՆ ՆՈՐ ՄԱՐԶԱՇՐՋԱՆԸ

0
150

 Անցնող Շաբաթ կէյօրէ ետք, սկսաւ Անգլիոյ  ֆութպոլի  2013-14  տարեշրջանի ախոյեանութիւնը: Լոնտոնի  Էմիյէյց մարզադաշտին մէջ, Արսենալ ընդունեց Ասթոն Վիլան եւ 3-1  արդիւնքով  ծանր պարտութիւն մը կրեց: Իրաւարարը երկու անգամ փենալթի  հարուած նշանակեց «Կանըրզ»ներու  դէմ եւ դաշտէն հեռացուց յետսապահ  Քոսելնին: Մրցումէն  ետք,  Արսենալի համակիրները  բողոքեցին  մարզիչ Արսէն  Ուենկէրի  փոխանցումներու  քաղաքականութեան դէմ:  Արսենալի համակիրները կը գանգատին, որ Արսէն Ուենկէր նոր մարզիկներով չի համալրեր   իր կազմը:  Սակայն,    Արսէն  Ուենկէր պարտութեան հիմնական  պատասխանատուն նկատեց  իրաւարարը:  Ան ըսաւ, թէ իրաւարարին  որոշումները  տարօրինակ էին: Ուենկէր  նաեւ յայտնեց, թէ իր կազմը,  յաջորդ  մրցակիցին դէմ  աւելի  լաւ ելոյթ պիտի ունենայ:

Լիվըրփուլ յաղթանակով սկսաւ ախոյեանութեան առաջին մրցումը:  «Կարմիրներ»ը  Տանիէլ Սթարիճի նշանակած կոլին շնորհիւ  1-0  արդիւնքով պարտութեան մատնեցին Սթոք Սիթին:

Սկովտիացի մարզիչ  Տէյվիտ Մոյզի գլխաւորութեամբ ,Անգլիոյ ախոյեան՝  Մանչեսթըր Եունայթըտ  կատարեց իր  առաջին մրցումը եւ 4-1  արդիւնքով  պարտութեան մատնեց Սուանսի Սիթին: «Կարմիր Սատանաներ»ուն կոլերը  նշանակեցին  Ռոպին Վան  Փըրսի (2) եւ Տենի Ուելպէք (2):  Ուէյն Ռունի երկրորդ  կիսախաղին  ներկայացաւ դաշտ: Միւս կողմէ, շնորհիւ Ռոպերթօ  Սոլտատոյի նշանակած  կոլին, Թոթենհամ ՝1-0 արդիւնով պարտութեան մատնեց  Գրիսթալ Փալասը:

 Փորթուգալացի մարզիչ  Ժոզէ Մուրինիօ յաղթանակով  նշեց  անգլիական  ֆութպոլ  իր վերադարձը, երբ  սթեմֆորտ  Պրիճ  մարզադաշտին մէջ,  Չելսի 2-0 արդիւնքով  պարտութեան մատնեց   Հոլ Սիթին: Օսքար եւ   Լամփարտ  նշանակեցին  «Կապոյտներ»ուն  կոլերը:

Գերմանիոյ ախոյեանութեան  երկրորդ  հանգրուանի մրցումներուն, Պայերն  Միւնիխ 1-0 արդիւնքով պարտութեան  մատնեց  Այնթրախթ  Ֆրանքֆորթը: Մարիօ Մանչուկիչ նշանակեց Պայերնի եւ մրցումին միակ կոլը: Պայերնի մարզիչ  Խօսէփ  Կուարտիոլա   իր գոհունակութիւնը  յայտնեց խումբին  ընթացքէն: Մայնց արձանագրեց եղանակի երկրորդ  յաջորդական  յաղթանակը, երբ 2-1 արդիւնքով պարտութեան մատնեց  Ֆրայպուրկը:   Հոֆենհայմ՝  5-1 արդիւնքով պարտութեան մատնեց Համպուրկը, իսկ Վոլֆսպուրկ՝  4-0 արդիւնքով յաղթեց  Շալքէ 04-ին: Պայեր  Լեվերքուզեն 1-0 արդիւնքով յաղթեց Շթութկարթին:

Պորուսիա Տորթմունտ 2-1 արդիւնքով պարտութեան մատնեց  Այնթրախթ Պրաունշուայքը: Հոֆման եւ Ռոյս նշանակեցին  Տորթմունտի կոլերը: Հայաստանի  հաւաքականի եւ Պորուսիա Տորթմունտի կիսապաշտպան  Հենրիխ  Մխիթարեան  լրագրողներուն  յայտնեց, թէ   մրցումէն առաջ յուզուած էր, սակայն մրցումէն ետք՝ ուրախ:

Ռէալ Սոսիետատ –  Կեթաֆէ   հանդիպումով սկսաւ Սպանիոյ  ֆութպոլի ախոյեանութեան  տարեշրջանը:  Սոսիետատ  երկու  անպատասխան գնդակ զետեղեց Կեթաֆէի բերդին մէջ: Աթլեթիք  Պիլպաօ՝ 2-1 արդիւնքով պարտութեան մատնեց   Վալատոլիտը, մինչ Ռիքարտօ  Գոսթայի  նշանակած կոլը բաւարար էր, որ Վալենսիա 1-0 արդիւնքով պարտութեան  մատնէ   Մալական:

Անցնող տարուան ախոյեան Պարչելոնա  իր նոր  մարզիչին  Ճերարտօ  Մարթինոյի   հետ յաղթանակով սկսաւ  մրցաշրջանը, երբ   7-0 արդիւնքով  պարտութեան   մատնեց  Լեվանթէն: Սանչես,  Մեսի (2), Ալվէս, Փետրօ (2) եւ  Զապի  նշանակեցին  գաթալոնական կազմին կոլերը:  Հանդիպման  64-րդ  վայրկեանին  Սանչէսի  փոխարէն  դաշտ մուտք  գործեց  Նէյմարը, սակայն  պրազիլիացի  ֆութպոլիստը  չկրցաւ տպաւորել   Պարչելոնայի համակիրները:

Մատրիտի  մէջ,  Ռէալ Մատրիտ   ընդունեց  Պեթիսը եւ  2-1 արդիւնքով  դժուար  յաղթանակ մը արձանագրեց անոր դէմ:   Պեթիս՝  Մոլինայի  միջոցաւ, 14-րդ վայրկեանին   նշանակեց մրցումին առաջին կոլը: Սակայն մրցումի  26-րդ վայրկեանին,  Քարիմ Պենզեմա հաւասարեցուց հաշիւը, իսկ   հանդիպման աւարտին  չորս վայրկեան մնացած, Իսկոյի կոլը  Ռէալին  շնորհեց յաղթանակ եւ  եղանակի առաջին կէտերը: Ռէալ  Մատրիտի մարզիչ Գառլօ Անճելոթի յայտնեց, թէ  իր գլխաւոր նպատակն է շահիլ «Չեմփիընզ Լիկ»ի  բաժակը:   Մրցումէն նմիջապէս ետք, Ռէալի  փորթուգալացի  յետսապահ  Ֆապիօ  Գոենթրաու մտադրած է   հեռանալ մայրաքաղաքի խումբէն:

Ֆրանսայի ախոյեանութեան երկրորդ հանգրուանի   մրցումներուն, Մոնաքօ՝ 4-1  արդիւնքով  պարտութեան մատնեց Մոնփելիէն: Ֆալքաօ եւ Ռիվիյէ (3)  նշանակեցին  Մոնաքոյի  կոլերը: Լիոն՝4-1 արդիւնքով  պարտութեան մատնեց Սոշօն:   Եասին  Պենզիա(2),  Ալեքսանտր  Լաքազէթ եւ  Եոան  Կուրսոֆ նշանակեցին  Լիոնի կոլերը:

Եուվենթուս շահեցաւ  Իտալիոյ «Սուփըր Գափ»ը:  Իտալիոյ ախոյեանները  4-0 արդիւնքով  պարտութեան մատնեց Լացիօն:  Պոկպա, Քելինի, Լիխշթայնըր եւ  Թեւէզ նշանակեցին  «Եուվէ»ի կոլերը: Եուվենթուսի մարզիչ Անթոնիօ  Գոնթէ  մրցումէն  ետք յայտարարեց, թէ իր կազմը արժանի էր  յաղթանակին:

Փի.Էս.Վի. Այնտհովեն  արձանագրեց  եղանակի երրորդ  յաջորդական  յաղթանակը,  երբ  3-0  արդիւնքով պարտութեան մատնեց   Կօ Ահէտ  Իկըլզը: Այնտհովեն  միանձնեայ կը  գքխաւորէ ախոյեանութեան   ընդհանուր դասաւորումը: Այաքս Ամսթերտամ 2-1 արդիւնքով  կարեւոր  յաղթանակ մը տարաւ իր  վաղեմի մրցակիցին  Ֆէյնուրտի  դէմ:

Ռուսիոյ ախոյեանութեան 5-րդ հանգրուանի մրցումներուն, Մոսկուայի  Բանակայինները՝ ԲԿՄԱ,  նուազագոյն՝ 1-0  արդիւնքով  պարտութեան մատնեցին Քուպանը: Զենիթ ընդունեց Մախաչքալայի  Անժին եւ  3-0 արդիւնքով յաղթանակ մը արձանագրեց անոր դէմ: Ախոյեանութեան  ընդհանուր դասաւորումը կը  գլխաւորէ  Մոսկուայի Սպարտակը, որ   չորս  մրցումներէ ետք  հաւաքած է տասը կէտ: Սպարտակ՝ 0-0 արդիւնքով հաւասարութիւն մը արձանագրեց  Ռուպինի դէմ:

Հայաստանի  ֆութպոլի  ախոյեանութեան երկրորդ  հանգրուանի  մրցումներուն,  Երեւանի Արարատը  1-0 արդիւնքով  պարտութիւն մը կրեց   Միկայէն:  Բանանց՝ 2-1 արդիւնքով պարտութեան մատնեց  Ուլիսը: Փիւնիկ՝ 3-2 արդիւնքով  պարտութեան մատնեց  Գանձասարը:  Բանանցը եւ Միկան  չորսական  կէտով  կը գլխաւորեն  ընդհանուր դասաւարումը:

ԱՅՍՕՐ  ԵՐԵԿՈՅԵԱՆ  ՉԵՄՓԻԸՆԶ  ԼԻԿ-Ի  ԶՏՄԱՆ  ՀԱՆԳՐՈՒԱՆԻ ՄՐՑՈՒՄՆԵ

Այսօր՝ Երեքշաբթի  երեկոյեան, տեղի պիտի  ունենան Եւրոպայի Ախոյեան Ակումբներու Ախոյեանութեան  բաժակի զտման հանգրուանի «Փլէյ-Օֆ»ներու  երթի հինգ մրցումներ:

Ստորեւ, մրցումներուն յայտագիրը

Շախտիոր  Քարակ – Սելթիք     ժամը՝  18.00

 Փլզէն –  Մարիպոր    ժամը՝  21.45

 Լիոն  – Ռէալ Սոսիետատ  ժամը՝ 21.45

 Փի.Էս.Վի. Այնտհովէն –  Ա. Սէ.  Միլան  ժամը՝  21.45

Փաքոս Ֆերէյրա –  Զենիթ   ժամը՝  21.45

ՊՈԼԹ  ՄԵՐԺԵՑ ԻԿՈՐ ՏԷՐ ՅՈՎՀԱՆՆԻՍԵԱՆԻ ԱՌԱՋԱՐԿԸ

Վեցեակի  Ողիպմիական ախոյեան, աշխարհի  եօթնեակի ախոյեան  Ուզէյն  Պոլթ  մերժեց   ուժերը  հեռացատկի մէջ փորձելու աշխարհի նախկին ախոյեան   Իկոր Տէր Յովհաննիսեանի առաջարկը: Յովհաննիսեանի կարծիքով,  Պոլթ կրնայ  ինը մեթր  արդիւնքի  հասնիլ  հեռացատկի մէջ:

Պոլթ  շնորհակալութիւն յայտնեց  Տէր Յովհաննիսեանին՝ ներկայացուցած առաջարկին առիթով,  աւելցնելով, թէ իր նպատակն է՝  100 մեթր,  200 մեթր եւ 4x 100  վազքի մրցումներուն, ոսկէ  մետալ շահիլ  2016-ի  ողիմպիական խաղերուն:

ՆԱՏԱԼ ՇԱՀԵՑԱՒ  ՉԻՆՉԻՆԱԹԻԻ  ՄՐՑԱՇԱՐՔԸ

Ռաֆայէլ Նատալ շահեցաւ  թենիսի  Չինչինաթիի միջազգային  մրցաշարքը:  Աւարտական մրցումին սպանացի մարզիկը  7-6, 7-6  արդիւնքով պարտութեան մատնեց  ամերիկացի Ճոն Իսնէրը:  Մրցումը տեւեց  մէկ ժամ 54  վայրկեան:

Մրցաշարքին աղջկանց  տիտղոսը  շահեցաւ  Վիքթորիա Ազարենքան:  Եզրափակիչ  մրցումին պելառուս Ազարենքա՝  6-2, 2-6,  7-6 արդիւնքով պարտութեան մատնեց  Սերենա  Ուիլիյըմզը:

ԱՐՈՆԵԱՆ  ԴՈՒՐՍ ՄՆԱՑ ԱՇԽԱՐՀԻ ԲԱԺԱԿԷՆ

 Հայաստանի ամենահզօր  շախմատիստ Լեւոն Արոնեան աշխարհի բաժակի խաղարկութեան երրորդ մրցումի երկրորդ դասական բաժինին հաւասարութիւն մը արձանագրեց  Եւգենի Տոմաշեւիչի դէմ: Արոնեան  դուրս մնաց յետագայ պայքարէն:

Արոնեան կը խաղար սեւ խաղաքարերով: Խաղը աւարտեցաւ 37-րդ քայլին: Դասական բաժինի առաջին խաղինԱրոնեանը զիջած էր Տոմաշեւիչին: Երկու խաղերուն ընդհանուր 1,5- 0,5 հաշուով յաջորդ փուլի ուղեգիր նուաճեց Եւգենի Տոմաշեւիչը:

Ճատրակի աշխարհի բաժակի խաղարկութիւնը տեղի կ’ունենայ Նորվեկիոյ Տոմսէ քաղաքին մէջ: Մրցաշարքին կը մասնակցի 128  ճատրակիստ:  Հայաստանի չորս ներկայացուցիչներ՝ Սերգէյ Մովսիսեան, Վլատիմիր Յակոբեան եւ Հրանդ Մելքումեան նոյնպէս  չյաղթահարեցին առաջին հնգրուանին արգելքը:

 

LEAVE A REPLY

Please enter your comment!
Please enter your name here