ՆԱԽԱԳԱՀ ՍԸԼԷՅՄԱՆ ԴԱՏԱՊԱՐՏԵՑ ՀԵՐՄԷԼԻ ՈՒՂՂՈՒԹԵԱՄԲ ԱՐՁԱԿՈՒՈՂ ՀՐԹԻՌՆԵՐԸ

0
120

Հանրապետութեան նախագահ Միշէլ Սըլէյման   իր մտահոգութիւնը յայտնեց   Հերմէլի  շրջանին վրայ արձակուուղ  հրթիռներէն, անոր մէջ  նշմարելով   Սուրիոյ հակամարտութիւնը  Լիբանան  փոխադրելու  միտում:  Սըլէյման բանակէն պահանջեց   լիարժէք պատասխան տալ արձակուող  հրթիռներուն: Նախագահը  զարմանք յայտնեց, որ այն պահուն երբ բանակը  գետնի վրայ  կը գործադրէ անվտանգութեան գերագոյն խորհուրդին  որոշումները, արտաքին  ուժեր  կը փորձեն ալեկոծել երկրին կայունութիւնը:

Նախագահ Սըլէյման  Պէյթ Էլ Տինի ամարանոց այցելողներուն հետ քննարկեց  քաղաքական, ապահովական եւ տնտեսական  հարցեր:  Ան  յաջորդաբար ընդունեց  ուժանիւթի  եւ ջուրի  հրաժարեալ նախարար  Ժըպրան Պասիլը, զբօսաշրջութեան նախարարի պաշտօնակատար Ֆատի Ապուտը, արդարադատութեան նախարար Շեքիպ Քըրթպաուին, որոնք  Լիբանան մուտք  գործող սուրիացի  փախստականներուն վերաբերեալ  կարգ մը  առաջարկներ  ներկայացուցին հանրապետութեան նախագահին:  Սըլէյման նաեւ  ընդունեց  Հ.Յ.Դաշնակցութեան պատուիրակութիւն մը, երեսփոխան Յակոբ Բագրատունիի ընկերակցութեամբ:

Հանրապետութեան նախագահը  ընդունեց լիբանանեան բանակի շտապի պետ, հազարապետ   Ուալիտ  Սալմանը, նախկին նախարար Ժոզէֆ Հաշէմը:

Երկրին   ապահովական մտահոգիչ  կացութեան  լոյսին տակ, հանրապետութեան նախագահ Միշէլ Սըլէյման  ջնջեց  դէպի  արտերկիր նախատեսած  արձակուրդը: Սըլէյման  մտադրած էր   ունենալ չորսօրեայ արձակորդ մը, որուն միջոցին կը նախատեսէր  այցելութիւն մը  Սէուտական Արաբիա:

LEAVE A REPLY

Please enter your comment!
Please enter your name here